بٷگٸنگٸ تاڭدا «قازسۋشار» رمك فيليالدارى الماتى, جامبىل, قىزىلوردا, تٷركٸستان جەنە جەتٸسۋ وبلىستارىنىڭ ديقاندارىنا 3 ملرد 73 ملن تەكشە مەتردەن استام سۋ بەردٸ. بۇل تۋرالى سۋ رەسۋرستارى جەنە يرريگاتسييا مينيسترلٸگٸ مەلٸم ەتتٸ,- دەپ حابارلايدى Dalanews.kz
بۇل بىلتىرمەن سالىستىرعاندا 335 ملن تەكشە مەترگە كٶپ. 2024 جىلدىڭ وسى كەزەڭٸندە 2 ملرد 738 ملن تەكشە مەتر سۋ جەتكٸزٸلگەن بولاتىن.
الماتى وبلىسىنىڭ شارۋالارىنا 50 ملن تەكشە مەتردەن استام سۋ بەرٸلدٸ, بۇل بٸر جىل بۇرىنعىدان 6 ملن تەكشە مەترگە ارتىق.
جامبىل وبلىسىنىڭ ديقاندارىنا 135 ملن تەكشە مەتردەن استام سۋ بەرٸلدٸ, بۇل ٶتكەن بٸر جىلمەن سالىستىرعاندا شامامەن 50 ملن تەكشە مەترگە ارتىق.
ال جەتٸسۋ وبلىسىنداعى سۋ پايدالانۋشىلارعا 196 ملن تەكشە مەتر سۋارمالى سۋ جٸبەرٸلدٸ. قىزىلوردا وبلىسىنىڭ ديقاندارىنا 1 ملرد 280 ملن تەكشە مەتردەن استام سۋ بەرٸلدٸ, بۇل بٸر جىل بۇرىنعىدان 74 ملن تەكشە مەترگە ارتىق.
تٷركٸستان وبلىسىنىڭ شارۋا قوجالىقتارىنا 1 ملرد 412 ملن تەكشە مەترگە جۋىق سۋ بەرٸلدٸ.
بۇل بىلتىرمەن سالىستىرعاندا 234 ملن تەكشە مەترگە ارتىق. قازٸرگٸ ۋاقىتتا جوعارىدا اتالعان بەس وبلىستا 348 مىڭ گەكتاردان استام ەگٸستٸك القاپتارى سۋارىلدى. ونىڭ 25 817 گەكتارى الماتى وبلىسىنا, 42 600 گەكتارى جامبىل وبلىسىنا, 33 674 گەكتارى جەتٸسۋ وبلىسىنا, 126 300 گەكتارى قىزىلوردا وبلىسىنا, 119 900 گەكتارى تٷركٸستان وبلىسىنا تيەسٸلٸ.
– سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆتٸڭ تاپسىرماسىمەن ۆەدومستۆو ماماندارىنان قۇرالعان تٶرت جۇمىس توبى قۇرىلدى. ولار سۋدىڭ زاڭسىز پايدالانىلۋىن انىقتايدى, سونداي-اق قازاقستاننىڭ وڭتٷستٸگٸندە سۋدى ٷنەمدەۋ, رەتتەۋ جەنە بٶلۋ مەسەلەلەرٸ بويىنشا مونيتورينگ جٷرگٸزەدٸ. سونىمەن قاتار سۋ ٷنەمدەۋ تەحنولوگييالارىن ەنگٸزۋ, ىلعال سٷيگٸش داقىلداردىڭ كٶلەمٸن قىسقارتۋ جەنە تٷنگٸ سۋارۋ ەدٸسٸن قولدانۋ بويىنشا تٷسٸندٸرۋ جۇمىستارى جٷرگٸزٸلۋدە. كانالدار ارقىلى سۋدى كەزەكپەن جٸبەرۋ كەستەلەرٸ ەزٸرلەنٸپ, ٸسكە اسىرىلىپ جاتىر, – دەدٸ سۋ رەسۋرستارى جەنە يرريگاتسييا بٸرٸنشٸ ۆيتسە-مينيسترٸ نۇرلان الدامجاروۆ.
