Temirjolshylar qalasyndaǵy turǵyndar ótinishi óńir basshysynyń nazarynda. «Naýryz» turǵyn aýdanyndaǵy temirjol kópiri astynan jańbyr jáne erigen qar sýlary aǵatyn arnadan bógetter alynyp, tazalanyp, kedergisiz sý ótýge jaǵdai jasaldy. Ordabasy aýdany, Bórjar aýyldyq okrýgi, Qalash eldi mekeniniń jer ýchaskelerine Arys qalasynyń Parkovyi, Alataý, Stadion shaǵyn aýdandarynyń turǵyndary maldaryn kedergisiz jaiylýyna ruqsat berildi.
– Biylǵy naýryzda ózderińizben osynda kezdesken kezde, qalany damytýǵa septigi tietin mańyzdy máseleler kóterilgen bolatyn.
«Astana-Saryaǵash» baǵytyndaǵy poiyzǵa halyq suranysynyń az bolýyna bailanysty, bul másele tiisti ministrlikpen kelisilip, poezd qatynasy «Astana-Shymkent» baǵytyna aýystyryldy. Arystaǵy ortalyq qazandyqqa jóndeý jumystaryn júrgizip, kómirden tabiǵi gazǵa aýystyrý máselesi boiynsha oblystyq biýdjetten 187 mln. teńge qaralyp, jóndeý jumystary júrgizilýde. Al ortalyq qazandyqty gaz júiesine qosý maqsatynda respýblikalyq biýdjetten 100 mln. teńge qaralyp, jalpy quny 542 mln teńge bolatyn qosymsha modýldi qazandyqtyń qurylysy júrgizilip jatyr. Ózderińiz kórip, estip otyrsyzdar, atqarylyp jatqan sharýa kóp. Jobalaǵan dospar da jetkilikti. Problemany jasyrmai, ashyq aitý kerek. Biz onyń sheshý jolyn qarastyryp, zań aiasynda júzege asyrýǵa kúsh salamyz, – dedi oblys ákimi.
«Aýyl – el besigi» baǵdarlamasy aiasynda kósheler jóndelip, jaryq júieleri jóndelýde.
Qum, tas tasityn aýyr júk kólikter júretin ainalma jol salý, sondai-aq táýlik boiy avtomatty rejimde jumys isteitin kólik quraldarynyń salmaǵyn ólsheitin beketti ornatý josparlanýda. 2022 jyldyń qarasha aiynan bastap qaladaǵy 6 turǵyn aýdany tabiǵi gazǵa qosyldy. Jumystar jalǵasýda.
Aýyl sharýashylyǵy salasynda biyl joba quny 8 mlrd. teńgeni quraityn «TURKESTAN AGRO.KZ» kompaniiasy 50 myń iri qara maldy bordaqylaý úshin alań ashýdy josparlap otyr. «KAZPLEMZAVOD» kompaniiasy 10 myń bas iri qara maldy ósirýdi jáne kóbeitýdi qolǵa aldy «KING MILK» kompaniiasy Túie sútin qaita óńdeý jobasyn iske asyrdy. Untaqtalǵan ónim shyǵaryp, ony eksporttaidy. «DERMENE AGRO GROUP» kompaniiasy Balyq ósirý, kóbeitý jobasyn iske asyrýda. Joba quny 50 mln. teńgeni quraityn bul kompaniia 50 myń «sazan» ósirip, balyq sharýashylyǵyn damytyp otyr.
Shaǵyn jáne orta biznes sýbektileriniń sany 6 myń 609-ǵa jetip, olarda 8 myńǵa jýyq adam jumyspen qamtylǵan. Halyqtyń tabysyn arttyrý maqsatynda arnaiy jumyspen qamtý kartasy bekitilip, Arys qalasy boiynsha byltyr 2,5 myńnan astam jańa jumys orny ashyldy.
Arys qalasynda «Jaily mektep» pilottyq jobasy aiasynda Arysta 2 mekteptiń qurylysy bastalady. Sonymen qatar 5 mekteptiń qosymsha korpýstaryna qurylys jumystary júrgizilýde. Jeke kásipkerlerdiń esebinen 3 jańa mektep jáne 5 balabaqsha ashylady dep josparlanýda.
2024 jyly teńgege investor esebinen avtobýstar jańartylatyn bolady.
Arys qalasy men eldi mekenderdi kógaldandyrý maqsatynda byltyr 1 gektar jer telimi bólinip, tuqymbaq quryldy. Qazirgi tańda tamshylatyp sýǵarý ádisimen 80 myń dana jas kóshetter ósýde.
Qaladaǵy jumyssyz otbasylarǵa eginshilikpen ainalysýǵa jaǵdai jasaý maqsatynda Arys qalasynda jalpy kólemi 50 gektar jer qorshalyp, 2 uńǵyma qazylyp, arnaiy sý jinaityn 60 tonnalyq qurylǵy qoiyldy. Az qamtylǵan ár otbasyǵa jarty gektar (0,5) jer telimi beriletin bolady. Nátijesinde bul otbasylar ózin-ózi jumyspen qamtidy. Joba óz tiimdiligin kórsetken jaǵdaida, jer telimi 100 gektarǵa deiin ulǵaitylatyn bolady.
Kezdesýden soń oblys ákimi qabyldaýǵa jazylǵan turǵyndardyń saýaldaryna jaýap berip, barlyq máseleniń zań aiasynda sheshiletinin jetkizdi. Óńir basshysynyń halyqpen kezdesýi basqa aýdan, qalalarda jalǵasyn tabady.
