تەمىرجولشىلار قالاسىنداعى تۇرعىندار ءوتىنىشى ءوڭىر باسشىسىنىڭ نازارىندا. «ناۋرىز» تۇرعىن اۋدانىنداعى تەمىرجول كوپىرى استىنان جاڭبىر جانە ەرىگەن قار سۋلارى اعاتىن ارنادان بوگەتتەر الىنىپ، تازالانىپ، كەدەرگىسىز سۋ وتۋگە جاعداي جاسالدى. ورداباسى اۋدانى، ءبورجار اۋىلدىق وكرۋگى، قالاش ەلدى مەكەنىنىڭ جەر ۋچاسكەلەرىنە ارىس قالاسىنىڭ پاركوۆىي، الاتاۋ، ستاديون شاعىن اۋداندارىنىڭ تۇرعىندارى مالدارىن كەدەرگىسىز جايىلۋىنا رۇقسات بەرىلدى.
– بيىلعى ناۋرىزدا وزدەرىڭىزبەن وسىندا كەزدەسكەن كەزدە، قالانى دامىتۋعا سەپتىگى تيەتىن ماڭىزدى ماسەلەلەر كوتەرىلگەن بولاتىن.
«استانا-سارىاعاش» باعىتىنداعى پويىزعا حالىق سۇرانىسىنىڭ از بولۋىنا بايلانىستى، بۇل ماسەلە ءتيىستى مينيسترلىكپەن كەلىسىلىپ، پوەزد قاتىناسى «استانا-شىمكەنت» باعىتىنا اۋىستىرىلدى. ارىستاعى ورتالىق قازاندىققا جوندەۋ جۇمىستارىن جۇرگىزىپ، كومىردەن تابيعي گازعا اۋىستىرۋ ماسەلەسى بويىنشا وبلىستىق بيۋدجەتتەن 187 ملن. تەڭگە قارالىپ، جوندەۋ جۇمىستارى جۇرگىزىلۋدە. ال ورتالىق قازاندىقتى گاز جۇيەسىنە قوسۋ ماقساتىندا رەسپۋبليكالىق بيۋدجەتتەن 100 ملن. تەڭگە قارالىپ، جالپى قۇنى 542 ملن تەڭگە بولاتىن قوسىمشا ءمودۋلدى قازاندىقتىڭ قۇرىلىسى جۇرگىزىلىپ جاتىر. وزدەرىڭىز كورىپ، ەستىپ وتىرسىزدار، اتقارىلىپ جاتقان شارۋا كوپ. جوبالاعان دوسپار دا جەتكىلىكتى. پروبلەمانى جاسىرماي، اشىق ايتۋ كەرەك. ءبىز ونىڭ شەشۋ جولىن قاراستىرىپ، زاڭ اياسىندا جۇزەگە اسىرۋعا كۇش سالامىز، – دەدى وبلىس اكىمى.
«اۋىل – ەل بەسىگى» باعدارلاماسى اياسىندا كوشەلەر جوندەلىپ، جارىق جۇيەلەرى جوندەلۋدە.
قۇم، تاس تاسيتىن اۋىر جۇك كولىكتەر جۇرەتىن اينالما جول سالۋ، سونداي-اق تاۋلىك بويى اۆتوماتتى رەجيمدە جۇمىس ىستەيتىن كولىك قۇرالدارىنىڭ سالماعىن ولشەيتىن بەكەتتى ورناتۋ جوسپارلانۋدا. 2022 جىلدىڭ قاراشا ايىنان باستاپ قالاداعى 6 تۇرعىن اۋدانى تابيعي گازعا قوسىلدى. جۇمىستار جالعاسۋدا.
اۋىل شارۋاشىلىعى سالاسىندا بيىل جوبا قۇنى 8 ملرد. تەڭگەنى قۇرايتىن «TURKESTAN AGRO.KZ» كومپانياسى 50 مىڭ ءىرى قارا مالدى بورداقىلاۋ ءۇشىن الاڭ اشۋدى جوسپارلاپ وتىر. «KAZPLEMZAVOD» كومپانياسى 10 مىڭ باس ءىرى قارا مالدى ءوسىرۋدى جانە كوبەيتۋدى قولعا الدى «KING MILK» كومپانياسى تۇيە ءسۇتىن قايتا وڭدەۋ جوباسىن ىسكە اسىردى. ۇنتاقتالعان ءونىم شىعارىپ، ونى ەكسپورتتايدى. «DERMENE AGRO GROUP» كومپانياسى بالىق ءوسىرۋ، كوبەيتۋ جوباسىن ىسكە اسىرۋدا. جوبا قۇنى 50 ملن. تەڭگەنى قۇرايتىن بۇل كومپانيا 50 مىڭ «سازان» ءوسىرىپ، بالىق شارۋاشىلىعىن دامىتىپ وتىر.
«اۋىل اماناتى» باعدارلاماسى اياسىندا 6 باعىت بويىنشا تۇرعىنداردىڭ 2،5 پايىزبەن نەسيە الۋى 5 اۋىلدىق وكرۋگتە ىسكە اسىرىلۋدا. سونداي-اق مال بورداقىلاۋ، ءسۇت ءوندىرۋ باعىتىندا 5 اۋىل شارۋاشىلىعى وندىرىستىك كووپەرتيۆتەرى قۇرىلدى. بۇگىنگى تاڭدا «اۋىل اماناتى» باعدارلاماسى اياسىندا اقدالا، دەرمەنە اۋىلدىق وكرۋگىنەن 81 جوبا قابىلدانىپ، 300 ملن. تەڭگەگە 63 جوبا قارجىلاندىرىلدى.
شاعىن جانە ورتا بيزنەس سۋبەكتىلەرىنىڭ سانى 6 مىڭ 609-عا جەتىپ، ولاردا 8 مىڭعا جۋىق ادام جۇمىسپەن قامتىلعان. حالىقتىڭ تابىسىن ارتتىرۋ ماقساتىندا ارنايى جۇمىسپەن قامتۋ كارتاسى بەكىتىلىپ، ارىس قالاسى بويىنشا بىلتىر 2،5 مىڭنان استام جاڭا جۇمىس ورنى اشىلدى.
ارىس قالاسىندا «جايلى مەكتەپ» پيلوتتىق جوباسى اياسىندا ارىستا 2 مەكتەپتىڭ قۇرىلىسى باستالادى. سونىمەن قاتار 5 مەكتەپتىڭ قوسىمشا كورپۋستارىنا قۇرىلىس جۇمىستارى جۇرگىزىلۋدە. جەكە كاسىپكەرلەردىڭ ەسەبىنەن 3 جاڭا مەكتەپ جانە 5 بالاباقشا اشىلادى دەپ جوسپارلانۋدا.
2024 جىلى تەڭگەگە ينۆەستور ەسەبىنەن اۆتوبۋستار جاڭارتىلاتىن بولادى.
ارىس قالاسى مەن ەلدى مەكەندەردى كوگالداندىرۋ ماقساتىندا بىلتىر 1 گەكتار جەر تەلىمى ءبولىنىپ، تۇقىمباق قۇرىلدى. قازىرگى تاڭدا تامشىلاتىپ سۋعارۋ ادىسىمەن 80 مىڭ دانا جاس كوشەتتەر وسۋدە.
قالاداعى جۇمىسسىز وتباسىلارعا ەگىنشىلىكپەن اينالىسۋعا جاعداي جاساۋ ماقساتىندا ارىس قالاسىندا جالپى كولەمى 50 گەكتار جەر قورشالىپ، 2 ۇڭعىما قازىلىپ، ارنايى سۋ جينايتىن 60 توننالىق قۇرىلعى قويىلدى. از قامتىلعان ءار وتباسىعا جارتى گەكتار (0،5) جەر تەلىمى بەرىلەتىن بولادى. ناتيجەسىندە بۇل وتباسىلار ءوزىن-وزى جۇمىسپەن قامتيدى. جوبا ءوز تيىمدىلىگىن كورسەتكەن جاعدايدا، جەر تەلىمى 100 گەكتارعا دەيىن ۇلعايتىلاتىن بولادى.
كەزدەسۋدەن سوڭ وبلىس اكىمى قابىلداۋعا جازىلعان تۇرعىنداردىڭ ساۋالدارىنا جاۋاپ بەرىپ، بارلىق ماسەلەنىڭ زاڭ اياسىندا شەشىلەتىنىن جەتكىزدى. ءوڭىر باسشىسىنىڭ حالىقپەن كەزدەسۋى باسقا اۋدان، قالالاردا جالعاسىن تابادى.
