Ǵylym jáne joǵary bilim ministri Saiasat Nurbek ýniversitetterdegi oqý aqysynyń ósýine qatysty suraqqa jaýap berdi, dep habarlaidy Dalanews.kz.
Ministrdiń aitýynsha, búginde oqý aqysy tek eki ýniversitette ósken – biri memlekettik, ekinshisi jekemenshik.
“Qazirgi tańda tek eki ýniversitette ǵana mundai jaǵdai tirkeldi. Memlekettik ýniversitetterde biz eki jyl buryn aitqanymyzdai, oqý aqysyn bir deńgeide ustap kelemiz. Jekemenshik joǵary oqý orny – "Kimep" ýniversitetine qatysty aqparatty surastyrdyq. Olar oqý aqysy men shákirtaqyny 15 paiyzǵa kótergen. Biraq bul – olardyń ishki sheshimi. Bul protseste stýdentterdiń ózi de bolǵan. Qamqorshylyq keńeste stýdenttik qaýymdastyqtyń tórt ókili bar”, – dedi Saiasat Nurbek.
Ministr jekemenshik ýniversitetterdiń baǵa saiasatyna tikelei yqpal ete almaityndaryn aitty. Al memlekettik oqý oryndarynda oqý aqysy biyl da ózgerissiz qalady.
“Bul sheshim infliatsiia jaǵdaiynda ońai emes. Qazir infliatsiia – 11 paiyz. Biz birtindep granttardyń qunyn kóterip kelemiz. Máselen, magistratýra men doktorantýra boiynsha granttar somasy artty. Iaǵni, memlekettik joǵary oqý oryndarynda oqý aqysy biyl qymbattamaidy dep naqty aita alamyz”, – dedi ministr.
