عىلىم جانە جوعارى ءبىلىم ءمينيسترى ساياسات نۇربەك ۋنيۆەرسيتەتتەردەگى وقۋ اقىسىنىڭ وسۋىنە قاتىستى سۇراققا جاۋاپ بەردى، دەپ حابارلايدى Dalanews.kz.
ءمينيستردىڭ ايتۋىنشا، بۇگىندە وقۋ اقىسى تەك ەكى ۋنيۆەرسيتەتتە وسكەن – ءبىرى مەملەكەتتىك، ەكىنشىسى جەكەمەنشىك.
“قازىرگى تاڭدا تەك ەكى ۋنيۆەرسيتەتتە عانا مۇنداي جاعداي تىركەلدى. مەملەكەتتىك ۋنيۆەرسيتەتتەردە ءبىز ەكى جىل بۇرىن ايتقانىمىزداي، وقۋ اقىسىن ءبىر دەڭگەيدە ۇستاپ كەلەمىز. جەكەمەنشىك جوعارى وقۋ ورنى – "كيمەپ" ۋنيۆەرسيتەتىنە قاتىستى اقپاراتتى سۇراستىردىق. ولار وقۋ اقىسى مەن شاكىرتاقىنى 15 پايىزعا كوتەرگەن. ءبىراق بۇل – ولاردىڭ ىشكى شەشىمى. بۇل پروسەستە ستۋدەنتتەردىڭ ءوزى دە بولعان. قامقورشىلىق كەڭەستە ستۋدەنتتىك قاۋىمداستىقتىڭ ءتورت وكىلى بار”، – دەدى ساياسات نۇربەك.
مينيستر جەكەمەنشىك ۋنيۆەرسيتەتتەردىڭ باعا ساياساتىنا تىكەلەي ىقپال ەتە المايتىندارىن ايتتى. ال مەملەكەتتىك وقۋ ورىندارىندا وقۋ اقىسى بيىل دا وزگەرىسسىز قالادى.
“بۇل شەشىم ينفلياسيا جاعدايىندا وڭاي ەمەس. ءقازىر ينفلياسيا – 11 پايىز. ءبىز بىرتىندەپ گرانتتاردىڭ قۇنىن كوتەرىپ كەلەمىز. ماسەلەن، ماگيستراتۋرا مەن دوكتورانتۋرا بويىنشا گرانتتار سوماسى ارتتى. ياعني، مەملەكەتتىك جوعارى وقۋ ورىندارىندا وقۋ اقىسى بيىل قىمباتتامايدى دەپ ناقتى ايتا الامىز”، – دەدى مينيستر.
