Ol úshin aýdanda 2673,44 shaqyrymdy quraıtyn 1310 kanal egistik jerlerge kedergisiz sý jetkizildi. Budan bólek, qazirgi tańda sý sharýashylyǵynda aǵyn sý jetkizetin 5 kanal qaıta qurylymdaýdan ótkizilip jatyr.
Aıta ketelik budan buryn oblys ákimi J.Túımebaev osynaý jumystardyń barysymen tanysý maqsatynda Órkendi eldi mekenindegi jóndeýden ótkizilgen «K-28» kanalyn kórgen bolatyn.
Atalǵan sý júıesiniń jalpy uzyndyǵy 18,1 shaqyrymdy quraıdy. 2017 jyly qurylysy tolyq aıaqtalǵan kanaldyń qaıta qurý jumystaryna 632 mıllıon teńge qarjy jumsaldy.
Sý resýrsyn únemdeý úshin tamshylatyp sýǵarý ádisin egistik jerge keńinen endirý qajet. Aýyl sharýashylyǵy mamandarynyń pikirinshe búginde osy tehnologıa oblystaǵy 1878,1 gektar jerge endirilgen.
«Tamshylatyp sýarý ádisi arqyly eki ese ónim alyp, qarjy men aǵyn sýdy únemdeýge bolady. Sondyqtan da agrosektor salasyna atalǵan tehnologıany engizýdiń tıimdiligi orasan. Tamshylatyp sýarýdyń bir qasıeti – árbir egilgen daqyldyń ústine tamshylatyp qoıýynda.
Sýdy ýaqtyly, ári kerek kezinde ǵana beredi. Sonymen qatar, ólsheýish qural arqyly sharýalar ketken shyǵynyn naqty eseptep otyrady. Iaǵnı, qarjyny únemdeıdi.
Al Maqtaaral aýdanynda bul ádispen 1793 gektar jer sýǵarylady. Bul 138 myń gektardan astam egistik jeri bar aýdan úshin az. Sondyqtan aýdan basshylyǵyna osy baǵyttaǵy jumystardy jandandyryp, sharýalarǵa túsindirý jumystaryn kúsheıtýdi tapsyramyn»,-degen bolatyn osy rette oblys ákimi.
