ول ءۇشىن اۋداندا 2673،44 شاقىرىمدى قۇرايتىن 1310 كانال ەگىستىك جەرلەرگە كەدەرگىسىز سۋ جەتكىزىلدى. بۇدان بولەك، قازىرگى تاڭدا سۋ شارۋاشىلىعىندا اعىن سۋ جەتكىزەتىن 5 كانال قايتا قۇرىلىمداۋدان وتكىزىلىپ جاتىر.
ايتا كەتەلىك بۇدان بۇرىن وبلىس اكىمى ج.تۇيمەبايەۆ وسىناۋ جۇمىستاردىڭ بارىسىمەن تانىسۋ ماقساتىندا وركەندى ەلدى مەكەنىندەگى جوندەۋدەن وتكىزىلگەن «ك-28» كانالىن كورگەن بولاتىن.
اتالعان سۋ جۇيەسىنىڭ جالپى ۇزىندىعى 18،1 شاقىرىمدى قۇرايدى. 2017 جىلى قۇرىلىسى تولىق اياقتالعان كانالدىڭ قايتا قۇرۋ جۇمىستارىنا 632 ميلليون تەڭگە قارجى جۇمسالدى.
سۋ رەسۋرسىن ۇنەمدەۋ ءۇشىن تامشىلاتىپ سۋعارۋ ءادىسىن ەگىستىك جەرگە كەڭىنەن ەندىرۋ قاجەت. اۋىل شارۋاشىلىعى ماماندارىنىڭ پىكىرىنشە بۇگىندە وسى تەحنولوگيا وبلىستاعى 1878،1 گەكتار جەرگە ەندىرىلگەن.
«تامشىلاتىپ سۋارۋ ءادىسى ارقىلى ەكى ەسە ءونىم الىپ، قارجى مەن اعىن سۋدى ۇنەمدەۋگە بولادى. سوندىقتان دا اگروسەكتور سالاسىنا اتالعان تەحنولوگيانى ەنگىزۋدىڭ تيىمدىلىگى وراسان. تامشىلاتىپ سۋارۋدىڭ ءبىر قاسيەتى – ءاربىر ەگىلگەن داقىلدىڭ ۇستىنە تامشىلاتىپ قويۋىندا.
سۋدى ۋاقتىلى، ءارى كەرەك كەزىندە عانا بەرەدى. سونىمەن قاتار، ولشەۋىش قۇرال ارقىلى شارۋالار كەتكەن شىعىنىن ناقتى ەسەپتەپ وتىرادى. ياعني، قارجىنى ۇنەمدەيدى.
ال ماقتاارال اۋدانىندا بۇل ادىسپەن 1793 گەكتار جەر سۋعارىلادى. بۇل 138 مىڭ گەكتاردان استام ەگىستىك جەرى بار اۋدان ءۇشىن از. سوندىقتان اۋدان باسشىلىعىنا وسى باعىتتاعى جۇمىستاردى جانداندىرىپ، شارۋالارعا ءتۇسىندىرۋ جۇمىستارىن كۇشەيتۋدى تاپسىرامىن»،-دەگەن بولاتىن وسى رەتتە وبلىس اكىمى.
