Mańǵystaýda bıyl 1800 oryndyq 2 mekteptiń (Munaıly aýdanynyń Basqudyq aýylynda 600 oryndyq, 31A sh/a 1200 oryndyq mekteptiń qurylysy) jáne eki mektep janyndaǵy 624 oryndyq (Kúıken orta mektebine 312 oryndyq jáne Beıneý aýdanyndaǵy Atameken orta mektebine 312 oryndyq) qosymsha nysannyń qurylysy júrgizilip jatyr.
Oblys ákimi barǵan alǵashqy nysan – Munaıly aýdany Basqudyq aýylynda salynyp jatqan jalpy bilim beretin mektep. 600 orynǵa arnalǵan mektepti osy jyldyń qazan aıynda paıdalanýǵa berý josparlanyp otyr.
Kelesi 1200 orynǵa arnalǵan mektep Aqtaý qalasynyń 31A shaǵyn aýdanynda salynyp jatyr. Nysan jańa oqý jylynda paıdalanýǵa beriledi.
Odan keıin oblys basshysy qalanyń 18a shaǵyn aýdanyndaǵy 760 orynǵa arnalǵan jeke menshik mekteptiń qurylysymen tanysty. Atalǵan mektep 2023 jyly paıdalanýǵa berilmek.
Óńir basshysy jaýapty tulǵalarǵa bilim berý nysandarynyń ýaqytyly jáne sapaly salynýyn qamtamasyz etýdi tapsyrdy.
– Memleket Basshysy Qasym-Jomart Toqaev Qazaqstan halqyna Joldaýynda mektepterdegi oryn tapshylyǵyn joıý úshin 2025 jylǵa deıin keminde myń mektep salý týraly tapsyrma berdi. Bul – kásibı oqytýshylary jáne balalardy damytý úshin qosymsha múmkindikteri bar zamanaýı, arnaıy tehnıkalarmen jabdyqtalǵan bilim berý mekemeleri bolýǵa tıis. Sondaı-aq mektep salý úshin kásipkerlerdi kóptep tartý qajet, – dep atap ótti Nurlan Noǵaev.
Qazirgi ýaqytta óńirde memlekettik, jeke, arnaıy, barlyǵy – 171 mektep bar. Onda 167 000-nan astam bala bilim alýda. Aıta ketý kerek, Mańǵystaý oblysynda bala týý kórsetkishi joǵary. Sáıkesinshe, óńirde sońǵy bes jylda oqýshylar sany 41 myńǵa artqan.
