ماڭعىستاۋدا بيىل 1800 ورىندىق 2 مەكتەپتىڭ (مۇنايلى اۋدانىنىڭ باسقۇدىق اۋىلىندا 600 ورىندىق، 31ا ش/ا 1200 ورىندىق مەكتەپتىڭ قۇرىلىسى) جانە ەكى مەكتەپ جانىنداعى 624 ورىندىق (كۇيكەن ورتا مەكتەبىنە 312 ورىندىق جانە بەينەۋ اۋدانىنداعى اتامەكەن ورتا مەكتەبىنە 312 ورىندىق) قوسىمشا نىساننىڭ قۇرىلىسى جۇرگىزىلىپ جاتىر.
وبلىس اكىمى بارعان العاشقى نىسان – مۇنايلى اۋدانى باسقۇدىق اۋىلىندا سالىنىپ جاتقان جالپى ءبىلىم بەرەتىن مەكتەپ. 600 ورىنعا ارنالعان مەكتەپتى وسى جىلدىڭ قازان ايىندا پايدالانۋعا بەرۋ جوسپارلانىپ وتىر.
كەلەسى 1200 ورىنعا ارنالعان مەكتەپ اقتاۋ قالاسىنىڭ 31ا شاعىن اۋدانىندا سالىنىپ جاتىر. نىسان جاڭا وقۋ جىلىندا پايدالانۋعا بەرىلەدى.
ودان كەيىن وبلىس باسشىسى قالانىڭ 18ا شاعىن اۋدانىنداعى 760 ورىنعا ارنالعان جەكە مەنشىك مەكتەپتىڭ قۇرىلىسىمەن تانىستى. اتالعان مەكتەپ 2023 جىلى پايدالانۋعا بەرىلمەك.
ءوڭىر باسشىسى جاۋاپتى تۇلعالارعا ءبىلىم بەرۋ نىساندارىنىڭ ۋاقىتىلى جانە ساپالى سالىنۋىن قامتاماسىز ەتۋدى تاپسىردى.
– مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا مەكتەپتەردەگى ورىن تاپشىلىعىن جويۋ ءۇشىن 2025 جىلعا دەيىن كەمىندە مىڭ مەكتەپ سالۋ تۋرالى تاپسىرما بەردى. بۇل – كاسىبي وقىتۋشىلارى جانە بالالاردى دامىتۋ ءۇشىن قوسىمشا مۇمكىندىكتەرى بار زاماناۋي، ارنايى تەحنيكالارمەن جابدىقتالعان ءبىلىم بەرۋ مەكەمەلەرى بولۋعا ءتيىس. سونداي-اق مەكتەپ سالۋ ءۇشىن كاسىپكەرلەردى كوپتەپ تارتۋ قاجەت، – دەپ اتاپ ءوتتى نۇرلان نوعايەۆ.
قازىرگى ۋاقىتتا وڭىردە مەملەكەتتىك، جەكە، ارنايى، بارلىعى – 171 مەكتەپ بار. وندا 167 000-نان استام بالا ءبىلىم الۋدا. ايتا كەتۋ كەرەك، ماڭعىستاۋ وبلىسىندا بالا تۋۋ كورسەتكىشى جوعارى. سايكەسىنشە، وڭىردە سوڭعى بەس جىلدا وقۋشىلار سانى 41 مىڭعا ارتقان.
