Taldyqorǵanda avtoklavty qataitatyn gazbetondy bloktar óndirisi qolǵa alynady, sol siiaqty ónerkásip akkýmýliatorlaryn shyǵaratyn jańa zaýyt iske qosylady, dep habarlaidy Dalanews.kz
Bul jobalar jeke investitsiialar esebinen júzege asyrylady. Qala kásiporyndaryn aralaýy kezinde oblys ákimi Beibit Isabaev osy jáne basqa da nysandardyń qurylysy men iske qosý-jóndeý jumystarynyń barysymen tanysty.
Aralaý barysynda aldymen «Qainar-AKB» JShS ónerkásiptik akkýmýliatorlar shyǵaratyn jańa zaýytta boldy. Qazirgi kezde kásiporynda jabdyqtardy montajdaý júrgizilýde, munan keiin iske qosý jumystary bastalady. Kásiporyndy biylǵy II toqsanynyń ortasynda iske qosý josparlansa, al tolyq qýatyna kelesi jyly shyǵady dep mejelenip otyr.
Kásiporynnyń bas direktory Erbol Ájmaǵambetovtyń aitýynsha, birinshi kezeń iske qosylǵannan keiin zaýyttyń qýattylyǵy jylyna 100 myń ónerkásiptik akkýmýliator shyǵarýǵa jetedi. Qazir 150 turaqty jumys orny qurylǵan, keleshekte jumys oryndarynyń sanyn 300-ge deiin ulǵaitpaq. Búgingi kúni 10 mlrd. teńge investitsiia tartyldy jáne kásipker munymen shektelip qalmaitynyn aitady. Kásiporyn eksportqa baǵdarlanǵan. Sondyqtan ónimder tek otandyq naryqqa ǵana emes, Ózbekstan, Túrikmenstan, Qyrǵyz, Ázirbaijan, Reseige de jetkizilmekshi. Tolyq qýatyna shyqqan kezde zaýytta jylyna 200 myńnan astam ónerkásip akkýmýliatory óndiriledi.
Jaqyn arada oblys ortalyǵynda taǵy bir jańa zaýyt jumysyn bastaidy. Bul - «Taldyqorǵan» indýstriialyq aimaǵynyń aýmaǵynda avtoklavty qataitatyn gazbeton bloktaryn shyǵaratyn kásiporyn. Óndiristik qýaty – jylyna 150 myń m3. Mamyrdyń aiaǵy men maýsymnyń basynda iske qosylady dep josparlanǵan.
- Qaraýsyz qalǵan ǵimaratty óz jeke qarajatymyzǵa satyp alyp, tiisti rekonstrýktsiia júrgizdik, qazir qajetti jabdyqtar ornatylýda. Óńirde kirpishtiń osy túrlerin óndiretin kásiporyn joq. Biz jergilikti shikizatty qoldanamyz. Negizinen daiyn ónimdi oblys aýmaǵynda satamyz dep josparlap otyrmyz. Zaýyt ǵimaratynan basqa keńsemiz, qyzmetkerlerge arnalǵan ashanasy bar jataqhanamyz bar. Qazir 30 adam jumys isteidi. Zaýyt iske qosylǵannan keiin jumys oryndarynyń sany 70-ke deiin ulǵaitamyz. Jalaqyǵa kelsek, kásiporynda jumysshylar aiyna 300-350 myń teńge, al bas energetik 1 mln.teńgege deiin jalaqy alady. Jalpy,bul jobaǵa óz qarajatymyzdan shamamen 3 mlrd. teńge investitsiia saldyq. Bolashaqta memleket tarapynan qoldaý bolsa, qurylysqa qajetti qurǵaq qospalar men emýlsiia shyǵaratyn zaýyt ashý jospary bar. Ónim túrleri naryq talaptaryna bailanysty bolady, - dedi óndiristi damytýdyń josparlarymen tanystyrǵan «Stalbeton» JShS kommertsiialyq direktory Dinara Orynbasar.
Oblys ákimi atap ótkendei, memleket tarapynan tiisti kómek retinde zaýyt ǵimaratyna deiin injenerlik infraqurylymdy júrgizý máselesinde qoldaý kórsetiletin bolady. Sondai-aq kásipkerlikti qoldaý baǵdarlamalarynyń birin, sonyń ishinde jeńildetilgen nesieleýdi paidalaný múmkindigi bar.
Beibit Isabaev kásiporyndardy aralaý barysynda elektr qýaty 84 MVt jáne jylý qýaty 59 Gkal/saǵ bolatyn «Basqýat» qazandyǵy bazasynda bý-gaz stantsiiasyn salý jobasynyń iske asyrylýymen tanysty. Bul strategiialyq mańyzdy joba Taldyqorǵan qalasy turaqty ósip kele jatqandyqtan, qaladaǵy jylý men elektr energiialaryn tolyqtyrýǵa baǵyttalǵan. Mysaly, biyldyń ózinde qalada kópqabatty 27 úi salynady.
«Basqýat Energoprom» JShS bas direktory Arman Otarbaevtyń aitýynsha, joba birneshe kezeńde júzege asyrylady. Birinshi kezeń 35 MVt elektr qýatyna jáne 26 Gkal/saǵ jylý qýatyna eseptelgen. Bul rette II kezeńdi 2027 jyldyń qańtar aiynyń basynda aiaqtaý josparlanyp otyr. Sondai-aq gazben jabdyqtaýǵa jáne «Basqýat» qazandyǵynyń jylý jelilerine qosylýǵa tehnikalyq sharttar berildi. Jylý trassasyn tóseý jumystary bir aidan keiin bastalyp, qarasha aiynyń basynda aiaqtalady.
– Bizdiń basty mindetimiz - jylý men elektr energiiasyn tolyqtyra otyryp, «Basqýat» qazandyǵynyń júktemesin azaitý. Sóitip oblys ortalyǵyndaǵy jylýmen jabdyqtaý júiesiniń beriktigin qamtamasyz etemiz. Joba bizdiń kompaniianyń jeke investitsiiasy esebinen júrgizilip jatyr, - dedi A.Otarbaev.
Aita keteiik, búgingi tańda jobanyń I kezeńi aiasynda josparlanǵan jumystardyń 65% oryndalǵan.
Jalpy Jetisý oblysynda 565 ónerkásip orny jumys isteidi, onyń 14-i iri, 11-i orta kásiporyn. Ónerkásip óndirisiniń kólemi 2025 jylǵy qańtar-aqpan ailarynda 54,5 mlrd. teńgeni qurady, NKI – 120,9%. Bul rette óńir ónerkásibi kólemindegi óńdeý kásiporyndarynyń úlesi 68,2% quraidy, onyń ishinde tamaq, sýsyndar óndirisi, mashina jasaý jáne jeńil ónerkásip bar.
