تالدىقورعاندا اۆتوكلاۆتى قاتايتاتىن گازبەتوندى بلوكتار ٶندٸرٸسٸ قولعا الىنادى, سول سيياقتى ٶنەركەسٸپ اككۋمۋلياتورلارىن شىعاراتىن جاڭا زاۋىت ٸسكە قوسىلادى, دەپ حابارلايدى Dalanews.kz
بۇل جوبالار جەكە ينۆەستيتسييالار ەسەبٸنەن جٷزەگە اسىرىلادى. قالا كەسٸپورىندارىن ارالاۋى كەزٸندە وبلىس ەكٸمٸ بەيبٸت يساباەۆ وسى جەنە باسقا دا نىسانداردىڭ قۇرىلىسى مەن ٸسكە قوسۋ-جٶندەۋ جۇمىستارىنىڭ بارىسىمەن تانىستى.
ارالاۋ بارىسىندا الدىمەن «قاينار-اكب» جشس ٶنەركەسٸپتٸك اككۋمۋلياتورلار شىعاراتىن جاڭا زاۋىتتا بولدى. قازٸرگٸ كەزدە كەسٸپورىندا جابدىقتاردى مونتاجداۋ جٷرگٸزٸلۋدە, مۇنان كەيٸن ٸسكە قوسۋ جۇمىستارى باستالادى. كەسٸپورىندى بيىلعى ٸٸ توقسانىنىڭ ورتاسىندا ٸسكە قوسۋ جوسپارلانسا, ال تولىق قۋاتىنا كەلەسٸ جىلى شىعادى دەپ مەجەلەنٸپ وتىر.
كەسٸپورىننىڭ باس ديرەكتورى ەربول ەجماعامبەتوۆتىڭ ايتۋىنشا, بٸرٸنشٸ كەزەڭ ٸسكە قوسىلعاننان كەيٸن زاۋىتتىڭ قۋاتتىلىعى جىلىنا 100 مىڭ ٶنەركەسٸپتٸك اككۋمۋلياتور شىعارۋعا جەتەدٸ. قازٸر 150 تۇراقتى جۇمىس ورنى قۇرىلعان, كەلەشەكتە جۇمىس ورىندارىنىڭ سانىن 300-گە دەيٸن ۇلعايتپاق. بٷگٸنگٸ كٷنٸ 10 ملرد. تەڭگە ينۆەستيتسييا تارتىلدى جەنە كەسٸپكەر مۇنىمەن شەكتەلٸپ قالمايتىنىن ايتادى. كەسٸپورىن ەكسپورتقا باعدارلانعان. سوندىقتان ٶنٸمدەر تەك وتاندىق نارىققا عانا ەمەس, ٶزبەكستان, تٷرٸكمەنستان, قىرعىز, ەزٸربايجان, رەسەيگە دە جەتكٸزٸلمەكشٸ. تولىق قۋاتىنا شىققان كەزدە زاۋىتتا جىلىنا 200 مىڭنان استام ٶنەركەسٸپ اككۋمۋلياتورى ٶندٸرٸلەدٸ.
جاقىن ارادا وبلىس ورتالىعىندا تاعى بٸر جاڭا زاۋىت جۇمىسىن باستايدى. بۇل - «تالدىقورعان» يندۋسترييالىق ايماعىنىڭ اۋماعىندا اۆتوكلاۆتى قاتايتاتىن گازبەتون بلوكتارىن شىعاراتىن كەسٸپورىن. ٶندٸرٸستٸك قۋاتى – جىلىنا 150 مىڭ م3. مامىردىڭ اياعى مەن ماۋسىمنىڭ باسىندا ٸسكە قوسىلادى دەپ جوسپارلانعان.
- قاراۋسىز قالعان عيماراتتى ٶز جەكە قاراجاتىمىزعا ساتىپ الىپ, تيٸستٸ رەكونسترۋكتسييا جٷرگٸزدٸك, قازٸر قاجەتتٸ جابدىقتار ورناتىلۋدا. ٶڭٸردە كٸرپٸشتٸڭ وسى تٷرلەرٸن ٶندٸرەتٸن كەسٸپورىن جوق. بٸز جەرگٸلٸكتٸ شيكٸزاتتى قولدانامىز. نەگٸزٸنەن دايىن ٶنٸمدٸ وبلىس اۋماعىندا ساتامىز دەپ جوسپارلاپ وتىرمىز. زاۋىت عيماراتىنان باسقا كەڭسەمٸز, قىزمەتكەرلەرگە ارنالعان اسحاناسى بار جاتاقحانامىز بار. قازٸر 30 ادام جۇمىس ٸستەيدٸ. زاۋىت ٸسكە قوسىلعاننان كەيٸن جۇمىس ورىندارىنىڭ سانى 70-كە دەيٸن ۇلعايتامىز. جالاقىعا كەلسەك, كەسٸپورىندا جۇمىسشىلار ايىنا 300-350 مىڭ تەڭگە, ال باس ەنەرگەتيك 1 ملن.تەڭگەگە دەيٸن جالاقى الادى. جالپى,بۇل جوباعا ٶز قاراجاتىمىزدان شامامەن 3 ملرد. تەڭگە ينۆەستيتسييا سالدىق. بولاشاقتا مەملەكەت تاراپىنان قولداۋ بولسا, قۇرىلىسقا قاجەتتٸ قۇرعاق قوسپالار مەن ەمۋلسييا شىعاراتىن زاۋىت اشۋ جوسپارى بار. ٶنٸم تٷرلەرٸ نارىق تالاپتارىنا بايلانىستى بولادى, - دەدٸ ٶندٸرٸستٸ دامىتۋدىڭ جوسپارلارىمەن تانىستىرعان «ستالبەتون» جشس كوممەرتسييالىق ديرەكتورى دينارا ورىنباسار.
وبلىس ەكٸمٸ اتاپ ٶتكەندەي, مەملەكەت تاراپىنان تيٸستٸ كٶمەك رەتٸندە زاۋىت عيماراتىنا دەيٸن ينجەنەرلٸك ينفراقۇرىلىمدى جٷرگٸزۋ مەسەلەسٸندە قولداۋ كٶرسەتٸلەتٸن بولادى. سونداي-اق كەسٸپكەرلٸكتٸ قولداۋ باعدارلامالارىنىڭ بٸرٸن, سونىڭ ٸشٸندە جەڭٸلدەتٸلگەن نەسيەلەۋدٸ پايدالانۋ مٷمكٸندٸگٸ بار.
بەيبٸت يساباەۆ كەسٸپورىنداردى ارالاۋ بارىسىندا ەلەكتر قۋاتى 84 مۆت جەنە جىلۋ قۋاتى 59 گكال/ساع بولاتىن «باسقۋات» قازاندىعى بازاسىندا بۋ-گاز ستانتسيياسىن سالۋ جوباسىنىڭ ٸسكە اسىرىلۋىمەن تانىستى. بۇل ستراتەگييالىق ماڭىزدى جوبا تالدىقورعان قالاسى تۇراقتى ٶسٸپ كەلە جاتقاندىقتان, قالاداعى جىلۋ مەن ەلەكتر ەنەرگييالارىن تولىقتىرۋعا باعىتتالعان. مىسالى, بيىلدىڭ ٶزٸندە قالادا كٶپقاباتتى 27 ٷي سالىنادى.
«باسقۋات ەنەرگوپروم» جشس باس ديرەكتورى ارمان وتارباەۆتىڭ ايتۋىنشا, جوبا بٸرنەشە كەزەڭدە جٷزەگە اسىرىلادى. بٸرٸنشٸ كەزەڭ 35 مۆت ەلەكتر قۋاتىنا جەنە 26 گكال/ساع جىلۋ قۋاتىنا ەسەپتەلگەن. بۇل رەتتە ٸٸ كەزەڭدٸ 2027 جىلدىڭ قاڭتار ايىنىڭ باسىندا اياقتاۋ جوسپارلانىپ وتىر. سونداي-اق گازبەن جابدىقتاۋعا جەنە «باسقۋات» قازاندىعىنىڭ جىلۋ جەلٸلەرٸنە قوسىلۋعا تەحنيكالىق شارتتار بەرٸلدٸ. جىلۋ تراسساسىن تٶسەۋ جۇمىستارى بٸر ايدان كەيٸن باستالىپ, قاراشا ايىنىڭ باسىندا اياقتالادى.
– بٸزدٸڭ باستى مٸندەتٸمٸز - جىلۋ مەن ەلەكتر ەنەرگيياسىن تولىقتىرا وتىرىپ, «باسقۋات» قازاندىعىنىڭ جٷكتەمەسٸن ازايتۋ. سٶيتٸپ وبلىس ورتالىعىنداعى جىلۋمەن جابدىقتاۋ جٷيەسٸنٸڭ بەرٸكتٸگٸن قامتاماسىز ەتەمٸز. جوبا بٸزدٸڭ كومپانييانىڭ جەكە ينۆەستيتسيياسى ەسەبٸنەن جٷرگٸزٸلٸپ جاتىر, - دەدٸ ا.وتارباەۆ.
ايتا كەتەيٸك, بٷگٸنگٸ تاڭدا جوبانىڭ ٸ كەزەڭٸ اياسىندا جوسپارلانعان جۇمىستاردىڭ 65% ورىندالعان.
جالپى جەتٸسۋ وبلىسىندا 565 ٶنەركەسٸپ ورنى جۇمىس ٸستەيدٸ, ونىڭ 14-ٸ ٸرٸ, 11-ٸ ورتا كەسٸپورىن. ٶنەركەسٸپ ٶندٸرٸسٸنٸڭ كٶلەمٸ 2025 جىلعى قاڭتار-اقپان ايلارىندا 54,5 ملرد. تەڭگەنٸ قۇرادى, نكي – 120,9%. بۇل رەتتە ٶڭٸر ٶنەركەسٸبٸ كٶلەمٸندەگٸ ٶڭدەۋ كەسٸپورىندارىنىڭ ٷلەسٸ 68,2% قۇرايدى, ونىڭ ٸشٸندە تاماق, سۋسىندار ٶندٸرٸسٸ, ماشينا جاساۋ جەنە جەڭٸل ٶنەركەسٸپ بار.
