Búginde jumysshylar jol jóndeý jumystaryna kirisip ketti.
– Biyl 150 kósheni jóndeý josparlanǵan. Onyń ishinde 50 kóshe qalanyń ortalyq bóliginde – qoǵamdyq kólik júretin magistraldy kósheler. Olardyń kóbi ortasha, keibiri kúrdeli jóndeýden ótedi. 150 kósheniń 100-i turǵyn alaptarda. Mysaly, Óndiris, Kirpichnyi, Kóktal, Lesozavod. Jol jumystary barlyq turǵyn alaptarda júrgiziletin bolady.
Biz biyl 21 nysanda jumysty jalǵastyramyz. Sondai-aq Esil ózeni arqyly ótetin kópirdiń qurylysyn aiaqtaýdy josparlap otyrmyz. Júrgizilip jatqan jumystar elordanyń injenerlik jáne jol infraqurylymyn jaqsartýǵa múmkindik beredi. Biyl bizge «Jumyspen qamtýdyń jol kartasy» baǵdarlamasy jaqsy kómektesýde, – dedi qala ákimi Altai Kólginov.
https://www.youtube.com/watch?v=0BDozSuMBlE&feature=emb_logo
JQJK baǵdarlamasy boiynsha jol jóndeýge 12 mlrd.teńge bólindi. Jumystyń basym bóligi turǵyn úi alaptarynda júrgiziletin bolady. Sonymen qatar «Jumyspen qamtýdyń jol kartasy» baǵdarlamasy boiynsha 1,5 myń jańa jumys orny ashylady.
