بۇگىندە جۇمىسشىلار جول جوندەۋ جۇمىستارىنا كىرىسىپ كەتتى.
– بيىل 150 كوشەنى جوندەۋ جوسپارلانعان. ونىڭ ىشىندە 50 كوشە قالانىڭ ورتالىق بولىگىندە – قوعامدىق كولىك جۇرەتىن ماگيسترالدى كوشەلەر. ولاردىڭ كوبى ورتاشا، كەيبىرى كۇردەلى جوندەۋدەن وتەدى. 150 كوشەنىڭ 100ء-ى تۇرعىن الاپتاردا. مىسالى، ءوندىرىس، كيرپيچنىي، كوكتال، لەسوزاۆود. جول جۇمىستارى بارلىق تۇرعىن الاپتاردا جۇرگىزىلەتىن بولادى.
ءبىز بيىل 21 نىساندا جۇمىستى جالعاستىرامىز. سونداي-اق ەسىل وزەنى ارقىلى وتەتىن كوپىردىڭ قۇرىلىسىن اياقتاۋدى جوسپارلاپ وتىرمىز. جۇرگىزىلىپ جاتقان جۇمىستار ەلوردانىڭ ينجەنەرلىك جانە جول ينفراقۇرىلىمىن جاقسارتۋعا مۇمكىندىك بەرەدى. بيىل بىزگە «جۇمىسپەن قامتۋدىڭ جول كارتاسى» باعدارلاماسى جاقسى كومەكتەسۋدە، – دەدى قالا اكىمى التاي كولگىنوۆ.
https://www.youtube.com/watch؟v=0BDozSuMBlE&feature=emb_logo
جقجك باعدارلاماسى بويىنشا جول جوندەۋگە 12 ملرد.تەڭگە ءبولىندى. جۇمىستىڭ باسىم بولىگى تۇرعىن ءۇي الاپتارىندا جۇرگىزىلەتىن بولادى. سونىمەن قاتار «جۇمىسپەن قامتۋدىڭ جول كارتاسى» باعدارلاماسى بويىنشا 1،5 مىڭ جاڭا جۇمىس ورنى اشىلادى.
