Arys úlken qala. Munda 75 myńǵa jýyq adam turady. Halyq sany da jyl sanap ósip keledi.
Úi kezeginde turǵandardyń sany 1300-den asyp jyǵylady. Olardy baspanamen qamtý baǵytynda biraz jumys jasaldy.
Sonyń biri dáleli, kúni keshe Kóktem-2 móltek aýdanynda 36 páterlik 3 qabatty turǵyn-úidiń qurylysyn aiaqtadyq. Aldaǵy kúnderi qaladaǵy úi kezeginde turǵan biraz otbasy qonys toiyn toilaityn bolady.
Bul qolǵa alynǵan istiń bastamasy ǵana. Dál osy nobaidaǵy taǵy 3 turǵyn-úi salynyp jatyr. Olar keler jyly qoldanysqa berilmek.
Budan bólek 5 qabatty, 66 páterlik, 5 turǵyn-úidiń irgetasyn qalap qoidyq. Osylaisha aldaǵy jyly 500-ge tarta otbasy úili bolady dep josparlap otyrmyz. Osynyń nátijesinde úi kezeginde turǵandardy uzaq kúttirmei baspanamen qamtityn bolamyz.
Budan bólek atalǵan aýdanda aýrýhana, mektep, balabaqsha sekildi áleýmettik nysandar da boi kóteredi. Qazirdiń ózinde munda 450 balaǵa laiyqtaǵan balabaqsha, 300 oqýshyǵa ornalǵan mektep jumys istep tur. Aýdannyń aýmaǵy úlkeie kele bilim ordasynyń tarlyq etýi múmkin.
Jaqyn arada dál osy mekteptiń irgesinen taǵy 300 oqýshyǵa arnalǵan qosymsha korpýstiń irgesin qalaimyz.
Keler jyly memlekettik-jekemenshik áriptestik aiasynda Kóktem-2 móltek aýdanynda taǵy bir balabaqsha salynady. Sonymen qatar aýdandyq Ishki ishki ister basqarmasy men sot ǵimaraty osy jerde ornalasatyn bolady.
– Estýimizshe, Arystaǵy kópqabatty úilerdiń – káriz júiesinde aqaý kóp eken. Jańadan qurylǵan aýdanda osy másele qalai sheshilmek?
– Kóktem-2 móltek aýdanyndaǵy aldaǵy ýaqytta qoldanysqa beriletin páterlerdiń barlyǵy ortalyqtandyrylǵan káriz júiesine qosylǵan.
Káriz qubyrlarynyń qurylysy boiynsha arnaiy joba da jasaldy. Memleket tarapynan bul jobaǵa 1-1,5 mlrd. teńge qarjy bólinedi dep kútip otyrmyz.
– Arysta aýyz-sý máselesi de ózekti ekenin bilemiz. Halyqty sapaly aýyz-sýmen qamtýda qandai sharalardy qolǵa almaqsyzdar? Biz bilsek, Arys qalasyna jaqyn ornalasqan Aqdala eldimekeninde bertinge deiin tirshilik nári saǵatpen berilip kelipti.
– Búgingi kúni Arys qalasynyń aýmaǵynda ortalyqtandyrylǵan aýyz-sýmen halyqtyń 90 paiyzy qamtamasyz etilgen. Biylǵy jyly Arysqa qarasty 7 eldi-mekende aýyz-sýmen qamtý boiynsha birneshe aýqymdy joba qolǵa alyndy. Jyl sońyna deiin osy maqsatta biýdjetten bólingen aqshany tolyǵymen igerip, atalǵan eldi-mekenderdi ortalyqtandyrylǵan aýyz-sý júiesine qosamyz. Munyń ishinde Aqqala, Baitoǵai, Shógirli sekildi aýyl-aimaqtar bar.
