Almaty oblysynda «Jumyspen qamtý jol kartasy» baǵdarlamasy sheńberinde 2021 jylǵa  34,7 mlrd teńge qarastyrylyp otyr. Osy 34,7 mlrd teńgeniń 32,7 mlrd teńgesi 21 ınfraqurylymdyq jobany iske asyrýǵa jáne 2,0 mlrd teńgesi mıkrokredıt berýge arnalady dep josparlanǵan, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.

Jumyspen qamtýdy úılestirý jáne áleýmettik baǵdarlamalar basqarmasynyń málimetine qaraǵanda, 21 jobanyń ishinde 30,8 mlrd teńgesi 20 bilim berý, 1,9 mlrd teńge turǵyn úı-kommýnaldyq sharýashylyq obektileriniń qurylystaryn júrgizýge baǵyttalady.

Jobalardy iske asyrý kezeńinde, sondaı-aq nysandar paıdalanýǵa berilgennen keıin 3 myńǵa jýyq jumys ornyn qurylady dep mejelenip otyr, sonyń 1190-y turaqty jumys orny bolmaq.

Qazirgi kezde 7 joba boıynsha qurylys-montajdaý jumystary bastaldy. Atap aıtqanda, 1500 oryndyq Eńbekshiqazaq aýdany Esik qalasynda, Jambyl aýdany Uzynaǵash aýylynda, İle aýdany, Kókqaınar, Mejdýrechensk, Boraldaı aýyldarynda, Qarasaı aýdany Qaskeleń qalasynda árqaısysy 1500 oryndyq, İle aýdanynyń Yntymaq aýylynda 1200 oryndyq mektep salynady. Sonymen qatar jalpy sany shamamen 1600 oqýshy ornyna laıyqtalǵan 12 blokty-modýldi mektep ǵımarattary turǵyzylady. Sol sıaqty Alakól aýdanynyń «Jalyn» balalar lagerin qalpyna keltirý josparda bar. Eńbekshiqazaq toptyq sý qubyryn salý jumystary qazir qyzý jalǵasýda.