جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنە قاراعاندا، 21 جوبانىڭ ىشىندە 30،8 ملرد تەڭگەسى 20 ءبىلىم بەرۋ، 1،9 ملرد تەڭگە تۇرعىن ۇي-كوممۋنالدىق شارۋاشىلىق وبەكتىلەرىنىڭ قۇرىلىستارىن جۇرگىزۋگە باعىتتالادى.
جوبالاردى ىسكە اسىرۋ كەزەڭىندە، سونداي-اق نىساندار پايدالانۋعا بەرىلگەننەن كەيىن 3 مىڭعا جۋىق جۇمىس ورنىن قۇرىلادى دەپ مەجەلەنىپ وتىر، سونىڭ 1190-ى تۇراقتى جۇمىس ورنى بولماق.
قازىرگى كەزدە 7 جوبا بويىنشا قۇرىلىس-مونتاجداۋ جۇمىستارى باستالدى. اتاپ ايتقاندا، 1500 ورىندىق ەڭبەكشىقازاق اۋدانى ەسىك قالاسىندا، جامبىل اۋدانى ۇزىناعاش اۋىلىندا، ىلە اۋدانى، كوكقاينار، مەجدۋرەچەنسك، بورالداي اۋىلدارىندا، قاراساي اۋدانى قاسكەلەڭ قالاسىندا ءارقايسىسى 1500 ورىندىق، ىلە اۋدانىنىڭ ىنتىماق اۋىلىندا 1200 ورىندىق مەكتەپ سالىنادى. سونىمەن قاتار جالپى سانى شامامەن 1600 وقۋشى ورنىنا لايىقتالعان 12 بلوكتى-مودۋلدى مەكتەپ عيماراتتارى تۇرعىزىلادى. سول سياقتى الاكول اۋدانىنىڭ «جالىن» بالالار لاگەرىن قالپىنا كەلتىرۋ جوسپاردا بار. ەڭبەكشىقازاق توپتىق سۋ قۇبىرىن سالۋ جۇمىستارى ءقازىر قىزۋ جالعاسۋدا.
