Tótenshe jaǵdailar ministrligi ata-analarǵa eskertý jasady, – dep habarlaidy Dalanews.kz.
Vedomstvo málimetinshe, kún jylyǵanda, sondai-aq, jazǵy demalys kezinde jyl saiyn osyndai oqiǵalar sany artady. Biyl jyl basynan beri 60 jazataiym oqiǵa týraly aqparat túsken. Bes bala oqiǵa ornynda qaitys bolǵan, 55 bala túrli jaraqat alyp, meditsinalyq mekemelerge jetkizilgen.
2024 jyly osyndai 196 oqiǵa tirkelgen. Ádette qaýip eresekterdiń qaraýynsyz qalǵan 2 jastan 13 jasqa deiingi balalarda. Kóbine qaiǵyly oqiǵalar balalar moskit torlaryna súiengen kezde bolyp jatady, sebebi bul torlar salmaqty kótermeidi.
Vedomstvo basshysynyń tapsyrmasy boiynsha elimizdiń barlyq óńirinde profilaktikalyq jumystar kúsheitilgen.
Tótenshe jaǵdailar ministrligi ata-analar men balalardyń zańdy ókilderin qaýipsizdik sharalaryn qatań saqtaýǵa shaqyrdy:
- Balalardy qaraýsyz qaldyrmańyz;
- Moskit torlaryna senbeńiz, olar balany ustap qalmaidy;
- Terezelerge arnaiy bekitkishter men blokatorlar ornatyńyz;
- Bala tereze aldyna shyǵa almaýy úshin tereze mańyndaǵy jihazdardy alyp tastańyz.
