توتەنشە جاعدايلار مينيسترلىگى اتا-انالارعا ەسكەرتۋ جاسادى، – دەپ حابارلايدى Dalanews.kz.
ۆەدومستۆو مالىمەتىنشە، كۇن جىلىعاندا، سونداي-اق، جازعى دەمالىس كەزىندە جىل سايىن وسىنداي وقيعالار سانى ارتادى. بيىل جىل باسىنان بەرى 60 جازاتايىم وقيعا تۋرالى اقپارات تۇسكەن. بەس بالا وقيعا ورنىندا قايتىس بولعان، 55 بالا ءتۇرلى جاراقات الىپ، مەديسينالىق مەكەمەلەرگە جەتكىزىلگەن.
2024 جىلى وسىنداي 196 وقيعا تىركەلگەن. ادەتتە ءقاۋىپ ەرەسەكتەردىڭ قاراۋىنسىز قالعان 2 جاستان 13 جاسقا دەيىنگى بالالاردا. كوبىنە قايعىلى وقيعالار بالالار موسكيت تورلارىنا سۇيەنگەن كەزدە بولىپ جاتادى، سەبەبى بۇل تورلار سالماقتى كوتەرمەيدى.
ۆەدومستۆو باسشىسىنىڭ تاپسىرماسى بويىنشا ەلىمىزدىڭ بارلىق وڭىرىندە پروفيلاكتيكالىق جۇمىستار كۇشەيتىلگەن.
توتەنشە جاعدايلار مينيسترلىگى اتا-انالار مەن بالالاردىڭ زاڭدى وكىلدەرىن قاۋىپسىزدىك شارالارىن قاتاڭ ساقتاۋعا شاقىردى:
- بالالاردى قاراۋسىز قالدىرماڭىز؛
- موسكيت تورلارىنا سەنبەڭىز، ولار بالانى ۇستاپ قالمايدى؛
- تەرەزەلەرگە ارنايى بەكىتكىشتەر مەن بلوكاتورلار ورناتىڭىز؛
- بالا تەرەزە الدىنا شىعا الماۋى ءۇشىن تەرەزە ماڭىنداعى جيھازداردى الىپ تاستاڭىز.
