– Aqtóbe oblysyn gazben qamtamasyz etý ózekti másele bop tur. Shikizat jetkilikti bolǵanymen, bizge kerekti kólemde jetkizetindei gaz qubyry joq. Onyń sheshimi «Buhara – Oral» magistraldyq qubyr jelisin salý. Onyń qurylysyna biyl kirisemiz, – dedi Eraly Toǵjanov.
Oblys ákiminiń sózinshe, 162 shaqyrymǵa jetetin qubyr jelisin salýǵa 43 milliard teńge jumsalady.
Aqtóbe gazdy «Jańajol – Aqtóbe» jáne «Buhara – Oral» magistraldyq gaz qubyrlarynan alady. Qazaqstan energetika ministrliginiń málimetinshe, «Buhara – Oral» gaz qubyrynyń eki tarmaǵy ábden tozǵan.
Reseidiń Ózbekstannan shyǵyp, Qazaqstan arqyly ótetin «Buhara – Oral» gaz qubyrynyń qurylysyn «Gazprom» baqylaidy.
Qubyrdyń uzyndyǵy – 4500 shaqyrym. Jylyna 8 milliard tekshe metr gaz aidaidy.
Buǵan deiin Qazaqstan energetika ministrligi Resei Qazaqstan arqyly Qytaiǵa baratyn gaz qubyry qurylysyn bastaǵysy keletinin habarlaǵan.
Budan ózge, biyl qańtarda Resei men Qazaqstan Resei gazyn Qazaqstanǵa tasymaldaý, Orynbor gaz óńdeý zaýytynda Qazaqstan gazyn óńdeýden ótkizý máseleleri boiynsha jol kartasyna qol qoiǵan.
