Aqmola oblysy prokýratýrasy júrgizgen taldaý barysynda ýákiletti organdar tarapynan adam óltirý jáne basqa da aýyr qylmystar úshin sottalǵan azamattardyń áreketke qabiletsiz adamdarǵa qamqorshy bolyp taǵaiyndalǵany anyqtaldy, dep habarlaidy Dalanews.kz.
Máselen, eki áreketke qabiletsiz adamǵa kezinde kisi óltirgeni úshin jaýapqa tartylǵan tulǵa qamqorshy bolyp júrgen.
Odan bólek, psihikalyq aýytqýy bar, naqtyraq aitqanda «shizofreniia» diagnozy qoiylǵan azamat ta áreketke qabiletsiz turǵynǵa qamqorshylyqqa bekitilgen.
Tekserý barysynda ýákiletti organdardyń áreketke qabiletsiz azamattardy der kezinde esepten shyǵarmaǵany da belgili boldy. Sonyń saldarynan oblysta qaitys bolǵan 28 adamnyń aty-jóni áli kúnge «áreketke qabiletsiz» azamattar tiziminde turǵan.
Qazirgi tańda sottalǵan jáne psihikalyq aýrýy bar qamqorshylardyń ókilettigi toqtatyldy, qujattar zań talaptaryna sáikestendirildi. Jaýapty qyzmetkerler tártiptik jaýapqa tartylǵan.
