Zaqymdanǵan Kaspi.kz bólimsheleri ýaqytsha jabylǵan.
– Polısıa búlingen ǵımarattarda eshnársege tıispeýdi surady. Ol jerden saýsaq izderi alynyp, oqıǵa orny tekseriledi. Sondyqtan búlingen qurylǵylardy áli alǵan joqpyz. Tergeý aıaqtalǵannan keıin birden jóndeý jumystaryn bastaımyz, – delingen bank habarlamasynda.
Bul rette bank qansha bankomat búlingenin naqty aıta almady. Qazaqstan boıynsha 1 990 bankomat bar, onyń 1 435-ine baılanys bar.
– 435 bankomatty adamdar qoldanyp, qolma-qol aqsha ala alady. Qalǵan 555 bankomat jabyq ǵıamart ishinde, áli ashylmaǵan bólimshelerde turǵan bankomattar. Sondyqtan, olar ázirshe esepke alynbaǵan. Qazirgi maqsat tehnıkalyq jáne fızıkalyq múmkindigi bar bankomattardy toltyrý. Bul - mańyzdy, – dedi bank ókili.
10 qańtarda ınternet jelisi iske qosylǵan, ınkasasıa jumysyna kedergi joq jekelegen qalalarda Kaspi.kz bólimsheleri ashyldy. Barlyǵy 10 qalada 22 bólimshe jumys jasap tur:
Nur-Sultan – 4,
Kókshetaý – 1,
Petropavl – 2,
Oral – 2,
Qulsary – 2,
Qostanaı – 3,
Qaraǵandy – 3,
Jezkazǵan – 2,
Sátbaev – 1,
Atyraý – 3.
Bólimsheler saǵat 9.00-den 18.00-ge deıin jumys isteıdi. Ondaǵy aqsha aıyrbastaý oryndary ýaqytsha jabyq. Almatyda jaǵdaı turaqtalǵanǵa deıin bólimsheler jabyq bolady.
