زاقىمدانعان Kaspi.kz بولىمشەلەرى ۋاقىتشا جابىلعان.
– پوليسيا بۇلىنگەن عيماراتتاردا ەشنارسەگە تيىسپەۋدى سۇرادى. ول جەردەن ساۋساق ىزدەرى الىنىپ، وقيعا ورنى تەكسەرىلەدى. سوندىقتان بۇلىنگەن قۇرىلعىلاردى ءالى العان جوقپىز. تەرگەۋ اياقتالعاننان كەيىن بىردەن جوندەۋ جۇمىستارىن باستايمىز، – دەلىنگەن بانك حابارلاماسىندا.
بۇل رەتتە بانك قانشا بانكومات بۇلىنگەنىن ناقتى ايتا المادى. قازاقستان بويىنشا 1 990 بانكومات بار، ونىڭ 1 435-ىنە بايلانىس بار.
– 435 بانكوماتتى ادامدار قولدانىپ، قولما-قول اقشا الا الادى. قالعان 555 بانكومات جابىق عيامارت ىشىندە، ءالى اشىلماعان بولىمشەلەردە تۇرعان بانكوماتتار. سوندىقتان، ولار ازىرشە ەسەپكە الىنباعان. قازىرگى ماقسات تەحنيكالىق جانە فيزيكالىق مۇمكىندىگى بار بانكوماتتاردى تولتىرۋ. بۇل - ماڭىزدى، – دەدى بانك وكىلى.
10 قاڭتاردا ينتەرنەت جەلىسى ىسكە قوسىلعان، ينكاسساسيا جۇمىسىنا كەدەرگى جوق جەكەلەگەن قالالاردا Kaspi.kz بولىمشەلەرى اشىلدى. بارلىعى 10 قالادا 22 بولىمشە جۇمىس جاساپ تۇر:
نۇر-سۇلتان – 4،
كوكشەتاۋ – 1،
پەتروپاۆل – 2،
ورال – 2،
قۇلسارى – 2،
قوستاناي – 3،
قاراعاندى – 3،
جەزكازعان – 2،
ساتبايەۆ – 1،
اتىراۋ – 3.
بولىمشەلەر ساعات 9.00-دەن 18.00-گە دەيىن جۇمىس ىستەيدى. ونداعى اقشا ايىرباستاۋ ورىندارى ۋاقىتشا جابىق. الماتىدا جاعداي تۇراقتالعانعا دەيىن بولىمشەلەر جابىق بولادى.
