Elimizdiń kino ónerine eńbegi sińgen maitalman azamattar rejisser Ermek Tursynovqa qoldaý bildirip, prezident Toqaevqa hat jazdy dep habarlaidy Dalanews.kz.
Qazaqstan Respýblikasynyń prezidenti Q. K. Toqaev myrzaǵa. Qurmetti Qasym-Jomart Kemeluly!
Ózińizge málim, eldiń kino qaýymdastyǵynda jikke bólinýshilik bolyp jatyr. Bir jyldan beri daý-damai men teketirester basylmai keledi.
Kásibi kinogerler daý-damaidan arylmai otyr. Naǵyz shyǵarmashylyqqa oryn qalmady. Biz munyń bári osy sala ministrliginiń oilanbai jasaǵan áreketteriniń saldary dep sanaimyz.
2019 jyldyń naýryzynda, "Ulttyq kinony qoldaý memlekettik ortalyǵy" KAQ qurylyp, oǵan respýblikalyq kino óndirisiniń barlyq negizgi máselelerin sheshý quzyry berildi.
Aqyrynda "Qazaqfilm" Ulttyq kinostýdiiasyna qajetti nazar aýdarylmai qaldy, al Sybailas jemqorlyqpen kúres Agenttigi Ulttyq kinony qoldaý ortalyǵynyń jetekshilerine qarsy qylmystyq is qozǵady. Onyń qalai aiaqtalatyny ázirge belgisiz, tergeý jalǵasyp jatyr. Dese de osynyń ózi naǵyz soraqylyq bolyp otyr.
"Qazaqfilm" Ulttyq kinostýdiiasyna keler bolsaq, ótken jyldyń tamyz aiynda oǵan prezident bolyp A.T. Ásenov taǵaiyndalǵan bolatyn. Jarty jyl da bolmai, QR. Mádeniet jáne sport ministriniń A. Ásenovti qyzmetinen bosatý týraly buiryǵy shyqty.
Ministrlikten tys kásibi qoǵamnyń aralasýymen ministrdiń ol sheshimi joqqa shyǵarylǵan. Alaida, A. Ásenovti qyzmetinen bosatý týraly buiryq qaitadan shyǵyp, bul joly oǵan aldap qol qoidyrdy.
9 maýsym kúni A.T. Ásenov myrza jáne kinostýdiianyń basqarýshy direktory Q.Á. Tórebaimen birge Nur-Sultanǵa shaqyrylyp, QR Mádeniet jáne sport ministrligi olarǵa basqa jumysqa aýysatynyn habarlady.
Demek A. Ásenov Ulttyq kinony qoldaý ortalyǵynyń tóraǵasy, al Q. Tórebai "Qazaqfilm" kinostýdiiasynyń prezidenti bolyp taǵaiyndalatynyn málimdegen. Eshbir kúmánderi bolmaǵan A. Ásenov pen Q. Tórebai aryz jazyp, Almatyǵa ushyp ketken.
Bir ai únsizdikten keiin, "Qazaqfilm" prezidenti bolyp rejisser Aqan Sataevty taǵaiyndap otyr.
Biz A. Sataev myrzaǵa esh qarsylyǵymyz joq. Alaida Mádeniet jáne sport ministrligi qyzmetkerleri tarapynan qyzmettik etika óreskel buzylyp otyr.
A. Ásenov "Qazaqfilmniń" prezidenti qyzmetinde bar bolǵany 9 ai ǵana otyrdy. Osyndai qysqa merzim ishinde, onyń ústine, ministrlik tarapynan esh qoldaý bolmai otyrǵanda, qandaida bir nátijege qol jetkizý múmkin be?
A. Ásenov ta, Q. Tórebai myrza da QR eńbek sińirgen qairatkerleri, olar kino salasyna bar ómirlerin sarp etken, kásibi ortada óte bedeldi azamattar, olarǵa osyndai qarym-qatynas tanytý durys pa?
Mádeniet ministrligi jaýapty qyzmetkerleriniń mundai áreketteri júieli túrde oryn alyp otyrǵanyna nazar aýdartyp, kinogerlerdi eki topqa bólý áreketteriniń saldarynan bul salada daý-damailar órship turǵanyn aitqymyz keledi.
Jaqynda Qazaqstan Kinogerler odaǵynyń tóraǵasy Ermek Tursynov, osy kino salasyndaǵy problemalarǵa jeke-jeke toqtalǵan bolatyn. Bul máselege ol óz atynan ǵana emes, shyǵarmashylyq odaqtyń atynan nazar aýdartýǵa tyrysqan. Dese de bilik qurylymdary tarapynan eshqandai reaktsiia bolmady.
Prezident myrza! Bul máseleler tek otandyq kino salasyna ǵana emes, búkil Qazaqstan mádenietine qatysty bolǵandyqtan, ózińizdiń tikelei aralasýyńyzdy suraimyz.
Qurmetpen,
QSRO Halyq artisi, QSRO memlekettik syilyǵynyń laýreaty, Eńbek eri
Asanáli Áshimov
Qazaqstannyń halyq artisi, Memlekettik syilyqtyń iegeri,
Nurjuman Yqtymbaev
Qazaqstan Memlekettik syilyǵynyń laýreaty, Eńbek sińirgen qairatkeri,
Satybaldy Narymbetov
"Qazaqfilm" AQ direktorlary keńesiniń múshesi
Esetjan Qosýbaev
Qazaqstannyń Eńbek sińirgen qairatkeri
Bolat Qalymbetov
Qazaqstannyń Eńbek sińirgen qairatkeri, Jastar odaǵy syilyǵynyń iegeri
Rústem Ábdirashev
Qazaqstannyń Eńbek sińirgen qairatkeri
Anar Qashaǵanova
Qazaqstannyń Eńbek sińirgen qairatkeri
Tasbolat Merekenov
Qazaqstannyń Eńbek sińirgen qairatkeri
Nurlan Sanjar
Kinorejisser Abai Qarpyqov
