Qyrǵyzstan prezidenti Sadyr Japarov "Kabar" agenttigine bergen kezekti suhbatynda MUQK burynǵy tóraǵasy Qamshybek Táshievpen aradaǵy jaǵdaiǵa qatysty qoǵamda týyndaǵan alańdaýshylyqqa jaýap berdi, dep habarlaidy Dalanews.kz.
Sadyr Japarov bul jaǵdaidy tragediia retinde qabyldamaýǵa shaqyrdy.
"Eshteńe bolmaidy. Bul máseleni tragediiaǵa ainaldyrýdyń qajeti joq. Burynǵydan da jaqsy bolady. Ómir toqtap qalmaidy. Bir dos ketse, artymda 7 millionnan asa dosym bar. Men úshin eń qymbaty - halyq pen qasietti memleketimiz", - dedi Japarov.
Qyrǵyzstan prezidentiniń sózinshe, el ekonomikasynyń ósý qarqyny arta beredi, al ishki jáne syrtqy saiasat burynǵy baǵytta jalǵasady.
Sondai-aq, ol halyqtyń tynyshtyǵyn buzǵan kez kelgen adam qatań jazaǵa tartylatynyn eskertti.
Aita keteiik, 10 aqpanda Qyrǵyzstannyń Ministrler kabineti tóraǵasynyń orynbasary – Memlekettik ulttyq qaýipsizdik komitetiniń tóraǵasy Qamshybek Táshiev qyzmetinen bosatyldy.
