Nysannyń jer aýmaǵy 2,5 gektardy quraıdy, jalpy aýdany 5000 m2. Túrkistan oblysynyń ákimi Ómirzaq Shókeev oblys ortalyǵynda boı kótergen jańa nysandardy aralap, qurylysshylarmen kezdesti.
Jaýapty sala basshylaryna birqatar tapsyrma júktedi. Oblys basshysy bekitilgen kesteden aýytqymaýdy estkertti jáne keı qurylys alańyndaǵy jumysshylar sanyn arttyrýdy tapsyrdy. Sapa – basty nazarda.
Tenıs ortalyǵy 7 ashyq tenıs kortynan, kórermenderge arnalǵan jınalmaly minbeler, ámbebap oıyn alańy, balalar oıyn alańynan turady.
– Qurylys barysynda ár qadam mańyzdy. Ásirese sapaǵa salǵyrt qaraýǵa jol bermeý kerek. Jańadan salynyp jatqan barlyq sport nysandaryna talap osy. Halyqqa yńǵaıly, sapasy minsiz bolýy tıis. Bul jerde erteń balalarymyz jattyǵyp, shynyǵady. Balalardy, jasóspirimderdi erte jastan sportqa baýlý arqyly biz keleshek urpaǵymyzdy tárbıeleımiz, – deıdi oblys ákimi.
Oblys ákimi sondaı-aq sport keshenderi bar esý kanalynyń qurylys alańynda boldy. Elimizde balamasy joq sport keshenderi bar eskek esý kanaly halyqaralyq talaptarǵa saı olımpıadalyq ortalyqqa aınalady. Elimizde sý sporty túrlerin damytyp, Túrkistan qalasynda joǵary deńgeıdegi jarystar ótkizýge múmkindik beredi.
Shahardyń sáýlettik kórkin keltirýmen qosa, týrızmdi damytyp, óńirde qolaıly mıkroklımat qalyptastyrýǵa sep bolmaq. Halyqaralyq dárejedegi eskek esý jáne baıdarka sporty boıynsha olımpıadalyq standartqa saı ortalyq 100 gektarǵa jýyq alańda ornalasqan. Kanaldyń uzyndyǵy – 2222 metr. Eni 260 metr, tereńdigi 4 metr.
