Prezident Qasym-Jomart Toqaev Al Jazeera basylymyna bergen suhbatynda Qazaqstannyń burynǵy basshysynyń elitalaryna berilgen artyqshylyqtardy joiý jóninde qoiylǵan suraqqa jaýap berdi, dep habarlaidy Dalanews.kz.
Suhbat barysynda tilshi Memleket basshysyna saýal qoidy.
"Sizder belgili bir jetistikterge jettińizder – tergeýler júrgizildi, urlyq faktileri boiynsha úkimder shyqty. Meniń bilýimshe, 1,2 milliard dollar qaitaryldy. Biraq keibireýler bul jumystyń áli tolyq aiaqtalmaǵanyn aitady. Nazarbaevqa qatysy bar birqatar mańyzdy qurylymdar (Nazarbaev qory, Halyk Bank jáne t.b.) áli de tereń tekserýden ótken joq. Bul jóninde ne oilaisyz?"
Prezidenttiń jaýaby
Qasym-Jomart Toqaev elde urlyq faktileri bolǵanyn rastady jáne osy baǵyttaǵy tergeýlerdiń jalǵasyp jatqanyn aitty.
"Árine, bizdiń jumysymyzǵa syn aitylyp ta jatyr. Biraq biz kóp nárse jasadyq – ári onyń bári halqymyz ben qoǵamymyzdyń igiligi úshin. Sonymen qatar, biz Nazarbaevtyń – qazirgi zamanǵy tarihymyzdaǵy alǵashqy prezidenttiń tarihi rólin moiyndaýymyz kerek. Iá, qatelikter boldy, siz aitqandai, urlyqtar da boldy. Biz tergeý júrgizip jatyrmyz, bul protsess jalǵasady. Biraq men Qazaqstanda búlik uiymdastyrmaq emespin, óitkeni bul elimdegi jaǵdaidyń turaqsyzdanýyna alyp keler edi", – dedi Toqaev.
