پرەزيدەنت قاسىم-جومارت توقايەۆ Al Jazeera باسىلىمىنا بەرگەن سۇحباتىندا قازاقستاننىڭ بۇرىنعى باسشىسىنىڭ ەليتالارىنا بەرىلگەن ارتىقشىلىقتاردى جويۋ جونىندە قويىلعان سۇراققا جاۋاپ بەردى، دەپ حابارلايدى Dalanews.kz.

سۇحبات بارىسىندا ءتىلشى مەملەكەت باسشىسىنا ساۋال قويدى.

"سىزدەر بەلگىلى ءبىر جەتىستىكتەرگە جەتتىڭىزدەر – تەرگەۋلەر جۇرگىزىلدى، ۇرلىق فاكتىلەرى بويىنشا ۇكىمدەر شىقتى. مەنىڭ بىلۋىمشە، 1،2 ميلليارد دوللار قايتارىلدى. ءبىراق كەيبىرەۋلەر بۇل جۇمىستىڭ ءالى تولىق اياقتالماعانىن ايتادى. نازاربايەۆقا قاتىسى بار ءبىرقاتار ماڭىزدى قۇرىلىمدار (نازاربايەۆ قورى، Halyk Bank جانە ت.ب.) ءالى دە تەرەڭ تەكسەرۋدەن وتكەن جوق. بۇل جونىندە نە ويلايسىز؟"

پرەزيدەنتتىڭ جاۋابى

قاسىم-جومارت توقايەۆ ەلدە ۇرلىق فاكتىلەرى بولعانىن راستادى جانە وسى باعىتتاعى تەرگەۋلەردىڭ جالعاسىپ جاتقانىن ايتتى.

"ارينە، ءبىزدىڭ جۇمىسىمىزعا سىن ايتىلىپ تا جاتىر. ءبىراق ءبىز كوپ نارسە جاسادىق – ءارى ونىڭ ءبارى حالقىمىز بەن قوعامىمىزدىڭ يگىلىگى ءۇشىن. سونىمەن قاتار، ءبىز نازاربايەۆتىڭ – قازىرگى زامانعى تاريحىمىزداعى العاشقى پرەزيدەنتتىڭ تاريحي ءرولىن مويىنداۋىمىز كەرەك. ءيا، قاتەلىكتەر بولدى، ءسىز ايتقانداي، ۇرلىقتار دا بولدى. ءبىز تەرگەۋ جۇرگىزىپ جاتىرمىز، بۇل پروسەسس جالعاسادى. ءبىراق مەن قازاقستاندا بۇلىك ۇيىمداستىرماق ەمەسپىن، ويتكەنى بۇل ەلىمدەگى جاعدايدىڭ تۇراقسىزدانۋىنا الىپ كەلەر ەدى"، – دەدى توقايەۆ.