Oblystyq ishki saiasat basqarmasy álemge áigili VVS telekompaniiasymen birlesip Jetisý jeriniń kórkem tabiǵatyn tarihymen bailanystyryp beinerolik túsirdi.
Videony jer sharynyń 571 millionnan astam kórermeni tamashalady . «Bul beinerolikti «MIR TV» telearnasy rotatsiialaǵandyǵy, ony 150 million kórermen kórgendigi belgili boldy. Qazirgi ýaqytta «Jetisý» beineroligi TMD elderin keńinen qamtýda», - dedi Almaty oblysy boiynsha «Rýhani Jańǵyrý» jobalyq keńsesi JShS-nyń direktory Dana Dúisenova.
Jetisýdyń sulý tabiǵatyn, ulttyq saiabaǵyn, murajailary men tarihi jerlerin týristerge tereńirek nasihattaý maqsatynda «Jetisý-360» jobasy da qolǵa alyndy.
Kez-kelgen adam arnaiy mobildi qosymsha jáne sait arqyly Almaty oblysyna virtýaldy túrde saiahat jasai alady.
Jalpy
«Rýhani jańǵyrý» baǵdarlamasy bastaý alǵan 2 jyl ishinde Almaty oblysynda 642 joba naqty júzege asqan.
Onyń ishinde 319 joba 2017 jyly oryndalsa, 2018 jyly 323 joba jemisin beripti. Osyndai jobalardy júzege asyryp jatqan Almaty oblysynyń biylǵy jylǵa da jospary aýqymdy.
https://youtu.be/fblIqY5hECY
«Jetisý Jibek jolynyń bastaýy» atty jastar ekspeditsiiasy, «Jahandaǵy Zamanaýi Qazaqstandyq mádenietti ilgeriletý» taqyrybynda I halyqaralyq ǵylymi-tájiribelik konferentsiiasy, «Tamyry tereń álipbi» antologiialyq jinaǵyn shyǵarý; «Orbulaq shaiqasynyń tarihi qoiylymy» jobasy, «Kóshpendiler tarihi qolóneri» festivali, IýNESKO-nyń Dúniejúzilik murasyna jatatyn oblys nysandaryna ekspeditsiia, «Jetisý - injý-marjan» atty dástúrli ánder men kúilerdiń antalogiiasy jinaǵyn shyǵarý, «Sport fest» Olimpiadalyq sport túrlerinen festival jáne taǵy da basqa jobalar.
Bekitilgen jobalar men is-sharalar josparyna sáikes 2019 jyldyń I toqsanynda oblys boiynsha 20 myńnan astam adamnyń qatysýymen 19 joba men 257 is-sharalar uiymdastyryldy. 2019 jyldyń sáýir aiynan bastap Almaty oblysynyń tilderdi damytý jónindegi basqarmasynyń bastamasymen «Jańa álipbide jazyp úireneiik» onlain-sabaq jobasy bastaldy. 20 minýttyq onlain-sabaqqa 100-den asa tyńdaýshy qatysqany belgili boldy. Aldaǵy ýaqytta vebinardy aptasyna 3-5 ret ótkizý josparlanyp otyr», - dedi Dana Dúisenova.
Sonymen qatar mamannyń aitýynsha, 2-4 mamyr kúnderi qazaq-qyrǵyz baýyrlastyǵyn, mádeniet pen ádebiet, ǵylym jáne ózge de salalar boiynsha bailanys ornatyp, tájiribe almasý maqsatynda «Uly dalanyń máńgilik mirasy - Manas» taqyrybynda qyrǵyz-qazaq ziialylarynyń III forýmy uiymdastyrylady. Sharaǵa shamamen 500-ge jýyq shetel qonaqtary men ziialy qaýym ókilderi qatysady dep kútilýde.
https://youtu.be/85UvPSO7zys
BBC Worldwide kommertsiialyq ókildiginiń basshysy Sergei Stanovkin óziniń Feisbýktegi paraqshasynda: Ótken jyldyń jaz ailarynda biz Qazaqstannyń Almaty oblysynda birden birneshe jobalardy túsirdik. Ondaǵy qorshaǵan ortanyń kórkemdigin bárimen bóliskimiz keldi.
Almaty oblysy jaily óz kózimizben kórip, aiaǵymyzben basqan jazyq dala, ertegidegidei taýlar, keremet kólder men tynysyńdy keńitetin taýdan aqqan tasqyn sýlar jaily búkil álemge kórsetiletin jarnamalyq rolik túsirilimin aiaqtaǵanymyzǵa qýanyshtymyn...», – degen pikir bildirdi.
Derekkóz: QazAqparat
