Murat Baqtiiarulynyń aityp ótkenindei demokratiialyq qundylyqtarǵa qurmetpen qaraityn eldiń tútini túzý ushady, órkeniet kóshinen qalyspaidy. Halyqtyń demokratiiamen ilese júretin turmystyq igilikterge qoly jetip, bilik pen halyqtyń durys dialog ornaidy.
«Álemdegi 180-n astam elderde memlekettik bilik túrleri áralýan. (Monarhiialyq, sýper prezidenttik, parlamenttik, aralas t.b.) Biraq birnárse anyq - memlekettik basqarýda tek demokratiialyq qundylyqtarǵa súiengen elderdegi halyqtyń turmys dárejesi joǵary bolyp keledi», – deidi senator.
Murat Baqtiiaruly soǵan orai Belarýsti sóz etip, ol jaqtaǵy ahýal avtoritarlyq júieniń saýatsyz sheshiminiń kesirinen ýshyqqanyn tilge tiek etipti.
Senator osynyń aldynda arnaiy is saparmen Belorýs jerinde bolǵan.
«Bir emes, eki ret boldym. Tabiǵaty tamyljyǵan, orman-sýǵa bai, jeri óte qunarly el. Avtoritarlyq prezidenttik baskarý úlgisindegi el bolǵandyqtan kolhozdyń tóraǵasyn ornynan alýǵa prezident aralasady. Evropa qurlyǵynda ornalasqan el úshin bul absýrd», – deidi ol.
Aitýynsha ózimen shekaralas Polsha, Latviia,Litva elderine qaraǵanda Belorýstiń ekonomikalyq damýy anaǵurlym artta qalǵan.
Sebebi bútin bir eldiń basqarý qurylymy tek bir adamnyń bedeli men kóńil kúiine súiengen.
Senator túptiń túbinde belorýs halqy Evropalyq Odaq elderiniń tolyqqandy múshesi bolyp , damyǵan elderdiń qataryna kiretinine senemin.
Murat Baqtiiaruly osy oraida Qazaqstan halqy da saiasi ózgeristerge sýsap otyrǵanyn sóz etipti.
Onyń paiymdaǵanyndai elimizdegi memlekettik basqarý júiesin tolyqqandy jańartý kerek.
“Memlekettik basqarý salmaǵyn Parlamentke berý, Úkimetti parlament ǵana jasaqtaý jáne otstavkaǵa jiberý, Parlamentke Úkimettiń jumysyn baqylaý quqyǵyn berý, jergilikti atqarýshy organdardyń derbestik quziretin barynsha keńeitý, aýyl, aýdan, oblys ortalyǵy bolyp tabylatyn qalalardyń ákimderin sol jergilikti turǵyndardyń sailaýy arqyly jasaqtaý, sot biligin barynsha derbesteý men olardyń múshelerin sailaý arqyly jasaqtaý, sailaý júiesin jetildirý, sailaý protsesin baqylaýǵa qatysamyn degen barlyq qoǵamdyq uiymdardyń ókilderin qatystyrý.
Árine, munyń barlyǵy konstitýtsiialyq reforma arqyly jasalýy tiis. Bizde Aziiadaǵy Singapýr, Japoniia, Ońtústik Koreia , Malaziia, BAE siiaqty elder qatarynda bolýyna tolyq múmkindigimiz bar», – deidi senator.
