مۇرات باقتييارۇلىنىڭ ايتىپ ٶتكەنٸندەي دەموكراتييالىق قۇندىلىقتارعا قۇرمەتپەن قارايتىن ەلدٸڭ تٷتٸنٸ تٷزۋ ۇشادى, ٶركەنيەت كٶشٸنەن قالىسپايدى. حالىقتىڭ دەموكراتييامەن ٸلەسە جٷرەتٸن تۇرمىستىق يگٸلٸكتەرگە قولى جەتٸپ, بيلٸك پەن حالىقتىڭ دۇرىس ديالوگ ورنايدى.
«ەلەمدەگٸ 180-ن استام ەلدەردە مەملەكەتتٸك بيلٸك تٷرلەرٸ ەرالۋان. (مونارحييالىق, سۋپەر پرەزيدەنتتٸك, پارلامەنتتٸك, ارالاس ت.ب.) بٸراق بٸرنەرسە انىق - مەملەكەتتٸك باسقارۋدا تەك دەموكراتييالىق قۇندىلىقتارعا سٷيەنگەن ەلدەردەگٸ حالىقتىڭ تۇرمىس دەرەجەسٸ جوعارى بولىپ كەلەدٸ», – دەيدٸ سەناتور.
مۇرات باقتييارۇلى سوعان وراي بەلارۋستٸ سٶز ەتٸپ, ول جاقتاعى احۋال اۆتوريتارلىق جٷيەنٸڭ ساۋاتسىز شەشٸمٸنٸڭ كەسٸرٸنەن ۋشىققانىن تٸلگە تيەك ەتٸپتٸ.
سەناتور وسىنىڭ الدىندا ارنايى ٸس ساپارمەن بەلورۋس جەرٸندە بولعان.
«بٸر ەمەس, ەكٸ رەت بولدىم. تابيعاتى تامىلجىعان, ورمان-سۋعا باي, جەرٸ ٶتە قۇنارلى ەل. اۆتوريتارلىق پرەزيدەنتتٸك باسكارۋ ٷلگٸسٸندەگٸ ەل بولعاندىقتان كولحوزدىڭ تٶراعاسىن ورنىنان الۋعا پرەزيدەنت ارالاسادى. ەۆروپا قۇرلىعىندا ورنالاسقان ەل ٷشٸن بۇل ابسۋرد», – دەيدٸ ول.
ايتۋىنشا ٶزٸمەن شەكارالاس پولشا, لاتۆييا,ليتۆا ەلدەرٸنە قاراعاندا بەلورۋستٸڭ ەكونوميكالىق دامۋى اناعۇرلىم ارتتا قالعان.
سەبەبٸ بٷتٸن بٸر ەلدٸڭ باسقارۋ قۇرىلىمى تەك بٸر ادامنىڭ بەدەلٸ مەن كٶڭٸل كٷيٸنە سٷيەنگەن.
سەناتور تٷپتٸڭ تٷبٸندە بەلورۋس حالقى ەۆروپالىق وداق ەلدەرٸنٸڭ تولىققاندى مٷشەسٸ بولىپ , دامىعان ەلدەردٸڭ قاتارىنا كٸرەتٸنٸنە سەنەمٸن.
مۇرات باقتييارۇلى وسى ورايدا قازاقستان حالقى دا ساياسي ٶزگەرٸستەرگە سۋساپ وتىرعانىن سٶز ەتٸپتٸ.
ونىڭ پايىمداعانىنداي ەلٸمٸزدەگٸ مەملەكەتتٸك باسقارۋ جٷيەسٸن تولىققاندى جاڭارتۋ كەرەك.
“مەملەكەتتٸك باسقارۋ سالماعىن پارلامەنتكە بەرۋ, ٷكٸمەتتٸ پارلامەنت عانا جاساقتاۋ جەنە وتستاۆكاعا جٸبەرۋ, پارلامەنتكە ٷكٸمەتتٸڭ جۇمىسىن باقىلاۋ قۇقىعىن بەرۋ, جەرگٸلٸكتٸ اتقارۋشى ورگانداردىڭ دەربەستٸك قۇزٸرەتٸن بارىنشا كەڭەيتۋ, اۋىل, اۋدان, وبلىس ورتالىعى بولىپ تابىلاتىن قالالاردىڭ ەكٸمدەرٸن سول جەرگٸلٸكتٸ تۇرعىنداردىڭ سايلاۋى ارقىلى جاساقتاۋ, سوت بيلٸگٸن بارىنشا دەربەستەۋ مەن ولاردىڭ مٷشەلەرٸن سايلاۋ ارقىلى جاساقتاۋ, سايلاۋ جٷيەسٸن جەتٸلدٸرۋ, سايلاۋ پروتسەسٸن باقىلاۋعا قاتىسامىن دەگەن بارلىق قوعامدىق ۇيىمداردىڭ ٶكٸلدەرٸن قاتىستىرۋ.
ەرينە, مۇنىڭ بارلىعى كونستيتۋتسييالىق رەفورما ارقىلى جاسالۋى تيٸس. بٸزدە ازيياداعى سينگاپۋر, جاپونييا, وڭتٷستٸك كورەيا , مالازييا, باە سيياقتى ەلدەر قاتارىندا بولۋىنا تولىق مٷمكٸندٸگٸمٸز بار», – دەيدٸ سەناتور.
