Almaty oblysynyń bas memlekettik sanıtarıalyq dárigeri Qaırat Baımuhambetovtiń aıtýynsha, qoǵamdyq monshadan basqa monshalar, saýnalar, SPA, massaj ortalyqtary jáne basqa da qyzmet kórsetý nysandary jumystaryn bastaıdy.
Mektepke deıingi uıymdardyń kezekshi toptary (jasy boıynsha) ashylady, shaǵyn komplektili bilim ortalyqtary, úıirmeler (jazylý boıynsha) qyzmetkerleri men balalardyń densaýlyq jaǵdaıyna baqylaý jasaı otyryp (termometrıa) jáne JRVI belgileri bar qyzmetkerler men balalardy shettete otyryp óz jumystaryn kirisedi.
Qutqarýshylardy, tehnıkalyq qaýipsizdikke jaýaptylardy daıyndaıtyn jáne qaıta daıarlaıtyn mamandandyrylǵan oqytý ortalyqtary, sol sıaqty kúzet jáne basqa da arnaıy uıymdar jumystaryn qaıta jalǵastyrady.
50 orynǵa deıingi stadıondar ashylady. Qapshaǵaı qalasyndaǵy «Baldáýren» respýblıkalyq oqý-saýyqtyrý ortalyǵy» RMKK jumysyn bastaıdy.
Bul rette qoǵamdyq oryndardy, ónerkásiptik aýmaqtardy, áýejaılardy, aýlalardaǵy balalar alańdaryn jáne basqa da nysandardy sanıtarlyq jáne dezınfeksıalyq óńdeý jumystaryn júrgizý jalǵasady, barlyq nysandarda kúsheıtilgen sanıtarlyq-dezınfeksıalyq sharalar kúsheıtilip, maska kıý rejımi jappaı saqtalýy tıis.
Atalǵan qaýly 2020 jylǵy 18 mamyr kúngi saǵat 08.00-de kúshine enedi. Degenmen koronavırýs ınfeksıasynyń juqtyrýdyń jańa derekteriniń tirkelýine baılanysty epıdemıologıalyq ahýaldyń kúrdeli jaǵdaıy saqtalyp otyrǵan Talǵar, Kegen aýdandary men Taldyqorǵan qalasyna bul qaýlynyń qatysy joq.
