Búgin, 17 qyrkúiekte Qonaev qalalyq sotynda agrosarapshy ári qoǵam belsendisi Almasbek Sadyrbaiǵa qatysty qylmystyq is boiynsha kezekti sot otyrysy ótýi tiis. Alaida ashyq derekkózderde otyrystyń naqty ýaqyty men búgin qaralatyn máseleler týraly resmi habarlama ázirge jariialanbaǵan, dep habarlaidy dalanews.kz.
Aita keteiik, Almasbek Sadyrbai 2024 jylǵy 5 qarashada ustalǵan edi. Osylaisha ol tergeý izoliatorynda 22 aidan astam ýaqyt otyr. Isti sotta qaraý 2026 jylǵy sáýirde bastaldy.
Tergeý nusqasy boiynsha, Sadyrbai men ózge de aiyptalýshylar 2021–2024 jyldary jalǵan aýyl sharýashylyǵy kooperativteriniń kómegimen memlekettik sýbsidiialardy zańsyz alǵan. Keltirilgen zalal kólemi shamamen 1,2 mlrd teńge dep kórsetilgen. Olarǵa uiymdasqan qylmystyq top qurý, alaiaqtyq jáne qylmystyq jolmen alynǵan qarajatty zańdastyrýǵa qatysty aiyptar taǵylǵany habarlandy.
