"Adam bolǵa" tis qairap otyrǵan "adam bolmaityndardyń" jaiy túsinikti. Al qolynan táspi, aýyzynan Allany tastamaityn múftiiattyń imamyna taqyr jerde súrindiretin osyndai abyroisyz is ne kerek? Kúndegisi maidan, aýmaly-tókpeli saitan saiasatqa qolshoqpar bolatyndai ne kórindi? Dúniiaýi it tirlikpen alysyp kele jatqan oppozitsiia ma, bilik pe molda úshin báribir emes pe edi. Aqyret pen taýhidti biz siiaqty pendelerdiń sanasyna quiyp kele jatqany úshin syilaimyz olardy. Biraq aqtyǵyna senip ashtyq ustap jatqan áiel adamnan bes million teńge talap etip, bylai shyǵyp iman týraly aitqanyn qalai uǵasyń. Aldyna kelse atasynyń qunyn keshetin qazaq edik. Osy Feisbýkte tanityndar bolsa sálem aitsa. Ashtyq ustap jatqan Gúljan Erǵalievaǵa barsyn da «Men sizdi keshtim, bu dúnieniń sotynda sharýam joq, o dúnieniń sotyna tapsyrdym» desin. Bárekeldi, jigit eken, imam eken deiik.
