الماتىنىڭ قاق ورتاسىندا جۋرناليست گۇلجان ەرعالييەۆانىڭ اشتىق ۇستاپ جاتقانىنا ءتورتىنشى كۇن. ادام جەتىسكەننەن اشتىق ۇستامايدى. ءسوز تىڭدار قۇلاق قالماعاسىن، قولىندا بيشىگى بارلاردىڭ زورلىعىنا امال تاۋسىلعاسىن ۇستايدى. "ادام بول" دەگەن جۋرنالىندا باعزى زاماندا ەرسىن امىرە دەگەن نايب يمامنىڭ ار-نامىسىنا ءتيىپ كەتكەن ەكەن. يمامنىڭ شاعىمىنان كەيىن سوت بەس ميلليون (!) تەڭگە ايىپپۇل سالادى. اشتىقتىڭ ءبىر سەبەبى وسى.
"ادام بولعا" ءتىس قايراپ وتىرعان "ادام بولمايتىنداردىڭ" جايى تۇسىنىكتى. ال قولىنان ءتاسپى، اۋىزىنان اللانى تاستامايتىن ءمۇفتياتتىڭ يمامىنا تاقىر جەردە سۇرىندىرەتىن وسىنداي ابىرويسىز ءىس نە كەرەك؟ كۇندەگىسى مايدان، اۋمالى-توكپەلى سايتان ساياساتقا قولشوقپار بولاتىنداي نە كورىندى؟ ءدۇنياۋي يت تىرلىكپەن الىسىپ كەلە جاتقان وپپوزيسيا ما، بيلىك پە مولدا ءۇشىن ءبارىبىر ەمەس پە ەدى. اقىرەت پەن ءتاۋحيدتى ءبىز سياقتى پەندەلەردىڭ ساناسىنا قۇيىپ كەلە جاتقانى ءۇشىن سىيلايمىز ولاردى. ءبىراق اقتىعىنا سەنىپ اشتىق ۇستاپ جاتقان ايەل ادامنان بەس ميلليون تەڭگە تالاپ ەتىپ، بىلاي شىعىپ يمان تۋرالى ايتقانىن قالاي ۇعاسىڭ. الدىنا كەلسە اتاسىنىڭ قۇنىن كەشەتىن قازاق ەدىك. وسى فەيسبۋكتە تانيتىندار بولسا سالەم ايتسا. اشتىق ۇستاپ جاتقان گۇلجان ەرعالييەۆاعا بارسىن دا «مەن ءسىزدى كەشتىم، بۇ دۇنيەنىڭ سوتىندا شارۋام جوق، و دۇنيەنىڭ سوتىنا تاپسىردىم» دەسىن. بارەكەلدى، جىگىت ەكەن، يمام ەكەن دەيىك.
