AQSh-tyń Niý-Iork qalasyndaǵy Brýklin kópirine Qazaqstannyń memlekettik týyn ilip, keiin ózenge sekirgen er adamǵa qatysty jańa málimetter belgili boldy. New York Post basylymynyń jazýynsha, ol 44 jastaǵy Ǵalymjan Abaildaev bolyp shyqqan, dep habarlaidy dalanews.kz.
Basylymnyń málimetinshe, er adamnyń kórshisi bul áreket aldyn ala josparlanǵanyn aitqan. Onyń sózinshe, Abaildaev ózenge sekirýdi týǵan kúnine arnaiy josparlaǵan. Kórshisiniń aitýynsha, er adam Qazaqstan biligin jii synaǵan jáne Brýklin kópirine Qazaqstan týyn ilýi onyń saiasi kózqarasymen bailanysty bolýy múmkin.
Oqiǵadan keiin qutqarýshylar er adamdy sýdan shyǵaryp, aýrýhanaǵa jetkizgen. Dárigerlerdiń málimetinshe, onyń jaǵdaiy turaqty. Niý-Iork politsiiasy oǵan zańsyz kirý, qoǵamdyq qaýipsizdikke qater tóndirý, qoǵamdyq tártipti buzý jáne graffiti salý baptary boiynsha birneshe aiyp taqqan.
Qazaqstannyń Syrtqy ister ministrligi bul oqiǵadan habardar ekenin málimdedi. Vedomstvonyń málimetinshe, Qazaqstannyń Niý-Iorktegi Bas konsýldyǵy oqiǵanyń barlyq mán-jaiyn anyqtap jatyr.
Eske salaiyq, 44 jastaǵy er adam kópir munaralarynyń birine kóterilip, birneshe memlekettiń týyn ilip qoiǵanyn habarlaǵan edik. Sol týlardyń arasynda Qazaqstannyń memlekettik týy da bolǵan.
