اقش-تىڭ نيۋ-يورك قالاسىنداعى برۋكلين كٶپٸرٸنە قازاقستاننىڭ مەملەكەتتٸك تۋىن ٸلٸپ, كەيٸن ٶزەنگە سەكٸرگەن ەر ادامعا قاتىستى جاڭا مەلٸمەتتەر بەلگٸلٸ بولدى. New York Post باسىلىمىنىڭ جازۋىنشا, ول 44 جاستاعى عالىمجان ابايلداەۆ بولىپ شىققان, دەپ حابارلايدى dalanews.kz.
باسىلىمنىڭ مەلٸمەتٸنشە, ەر ادامنىڭ كٶرشٸسٸ بۇل ەرەكەت الدىن الا جوسپارلانعانىن ايتقان. ونىڭ سٶزٸنشە, ابايلداەۆ ٶزەنگە سەكٸرۋدٸ تۋعان كٷنٸنە ارنايى جوسپارلاعان. كٶرشٸسٸنٸڭ ايتۋىنشا, ەر ادام قازاقستان بيلٸگٸن جيٸ سىناعان جەنە برۋكلين كٶپٸرٸنە قازاقستان تۋىن ٸلۋٸ ونىڭ ساياسي كٶزقاراسىمەن بايلانىستى بولۋى مٷمكٸن.
وقيعادان كەيٸن قۇتقارۋشىلار ەر ادامدى سۋدان شىعارىپ, اۋرۋحاناعا جەتكٸزگەن. دەرٸگەرلەردٸڭ مەلٸمەتٸنشە, ونىڭ جاعدايى تۇراقتى. نيۋ-يورك پوليتسيياسى وعان زاڭسىز كٸرۋ, قوعامدىق قاۋٸپسٸزدٸككە قاتەر تٶندٸرۋ, قوعامدىق تەرتٸپتٸ بۇزۋ جەنە گراففيتي سالۋ باپتارى بويىنشا بٸرنەشە ايىپ تاققان.
قازاقستاننىڭ سىرتقى ٸستەر مينيسترلٸگٸ بۇل وقيعادان حاباردار ەكەنٸن مەلٸمدەدٸ. ۆەدومستۆونىڭ مەلٸمەتٸنشە, قازاقستاننىڭ نيۋ-يوركتەگٸ باس كونسۋلدىعى وقيعانىڭ بارلىق مەن-جايىن انىقتاپ جاتىر.
ەسكە سالايىق, 44 جاستاعى ەر ادام كٶپٸر مۇنارالارىنىڭ بٸرٸنە كٶتەرٸلٸپ, بٸرنەشە مەملەكەتتٸڭ تۋىن ٸلٸپ قويعانىن حابارلاعان ەدٸك. سول تۋلاردىڭ اراسىندا قازاقستاننىڭ مەملەكەتتٸك تۋى دا بولعان.
