Oblystyq qoǵamdyq damý basqarmasynyń basshysy Darhan Qadraliev BQO óńirlik kommýnikatsiialar qyzmetiniń baspasóz alańynda baǵdarlamanyń sharttary týraly aityp berdi,- dep habarlaidy Dalanews.kz
Atalmysh baǵdarlamaǵa qatysý úshin ótinim 6 naýryzdan bastap qabyldanady.
2024 jyldyń sońynda jergilikti máslihat sheshimimen «Jaiyq jastary» turǵyn úi baǵdarlamasyna 1 260 000 000 teńge qarajat bólingen. Baǵdarlama aiasynda 70 jasty turǵyn úimen qamtamasyz etý josparlanyp otyr.
"Turǵyn úi satyp alýdyń shekti baǵysy – 18 000 000 teńge. Nesie berý ýaqyty – 19 jylǵa deiin bolsa, paiyzdyq mólsherleme – 5%. Al bastapqy jarna - 10%, iaǵni 1 800 000 teńge bolsa turǵyn úi baǵdarlamasyna qatysa alasyz", - dedi basqarma basshysy.
Baǵdarlamaǵa qatysý talaptary:
- QR azamattyǵy;
- Jasy 21-35 jas (ótinish berý kezinde);
- BQO-da sońǵy 1 jyl turaqty tirkeý;
- Sońǵy 12 ai resmi jumys ótili;
- Sońǵy 5 jylda jeke turǵyn úiiniń bolmaýy.
Qandai sanattaǵy jastar qatysa alady?
- Meditsina, bilim, mádeniet, sport qyzmetkerleri;
- Kommýnaldyq kásiporyn qyzmetkerleri;
- Memlekettik qyzmetshiler;
- Quqyq qorǵaý organdary qyzmetkerleri;
- Jastar qoǵamdyq birlestiginde 1 jyldan asa jumys istegender.
Ótinim berý úshin qr.gov.kz saityna ETsQ arqyly tirkelý qajet.
