وبلىستىق قوعامدىق دامۋ باسقارماسىنىڭ باسشىسى دارحان قادراليەۆ بقو ٶڭٸرلٸك كوممۋنيكاتسييالار قىزمەتٸنٸڭ باسپاسٶز الاڭىندا باعدارلامانىڭ شارتتارى تۋرالى ايتىپ بەردٸ,- دەپ حابارلايدى Dalanews.kz
اتالمىش باعدارلاماعا قاتىسۋ ٷشٸن ٶتٸنٸم 6 ناۋرىزدان باستاپ قابىلدانادى.
2024 جىلدىڭ سوڭىندا جەرگٸلٸكتٸ مەسليحات شەشٸمٸمەن «جايىق جاستارى» تۇرعىن ٷي باعدارلاماسىنا 1 260 000 000 تەڭگە قاراجات بٶلٸنگەن. باعدارلاما اياسىندا 70 جاستى تۇرعىن ٷيمەن قامتاماسىز ەتۋ جوسپارلانىپ وتىر.
"تۇرعىن ٷي ساتىپ الۋدىڭ شەكتٸ باعىسى – 18 000 000 تەڭگە. نەسيە بەرۋ ۋاقىتى – 19 جىلعا دەيٸن بولسا, پايىزدىق مٶلشەرلەمە – 5%. ال باستاپقى جارنا - 10%, ياعني 1 800 000 تەڭگە بولسا تۇرعىن ٷي باعدارلاماسىنا قاتىسا الاسىز", - دەدٸ باسقارما باسشىسى.
باعدارلاماعا قاتىسۋ تالاپتارى:
- قر ازاماتتىعى;
- جاسى 21-35 جاس (ٶتٸنٸش بەرۋ كەزٸندە);
- بقو-دا سوڭعى 1 جىل تۇراقتى تٸركەۋ;
- سوڭعى 12 اي رەسمي جۇمىس ٶتٸلٸ;
- سوڭعى 5 جىلدا جەكە تۇرعىن ٷيٸنٸڭ بولماۋى.
قانداي ساناتتاعى جاستار قاتىسا الادى?
- مەديتسينا, بٸلٸم, مەدەنيەت, سپورت قىزمەتكەرلەرٸ;
- كوممۋنالدىق كەسٸپورىن قىزمەتكەرلەرٸ;
- مەملەكەتتٸك قىزمەتشٸلەر;
- قۇقىق قورعاۋ ورگاندارى قىزمەتكەرلەرٸ;
- جاستار قوعامدىق بٸرلەستٸگٸندە 1 جىلدان اسا جۇمىس ٸستەگەندەر.
ٶتٸنٸم بەرۋ ٷشٸن qr.gov.kz سايتىنا ەتسق ارقىلى تٸركەلۋ قاجەت.
