Batys Qazaqstan oblysynda jol jóndeýge bólingen biýdjet qarajatyn jymqyrǵany úshin eki qurylys kompaniiasynyń basshysy segiz jylǵa bas bostandyǵynan aiyryldy, dep habarlaidy dalanews.kz.
Sot málimetinshe, 2023 jyly Syrym aýdanynyń Jympity aýylyndaǵy úsh kósheni jóndeýge shamamen 259 million teńgege memlekettik kelisimshart jasalǵan.
Merdiger retinde «Sapaq» óndiristik kooperativi belgilenip, jumysqa qosalqy merdiger retinde «Aq-Bi» JShS tartylǵan. Tergeý barysynda eki kompaniianyń basshylary aldyn ala sóz bailasyp, oryndalǵan jumystar týraly jalǵan aktiler rásimdep, onda jumys kólemi men qunyn negizsiz arttyrǵany anyqtaldy. Osy qujattardyń negizinde biýdjetten qarjy aýdarylǵan.
Qurylys jáne ekonomikalyq saraptamalardyń qorytyndysyna sáikes, is júzinde oryndalǵan jumystardyń quny shamamen 127 million teńgeni quraǵan. Al oryndalmaǵan jumystardyń quny 56,5 million teńgeden asqan.
Sot «Sapaq» óndiristik kooperativiniń direktory Baýyrjan Sapaqbaev pen «Aq-Bi» JShS direktory Bigeldi Demeýovty qyzmettik ókilettikterin paidalanyp, aldyn ala sóz bailasqan adamdar tobymen biýdjet qarajatyn jymqyrǵany úshin kináli dep tanydy.
Sot úkimimen eki sottalýshynyń árqaisysy 8 jylǵa bas bostandyǵynan aiyryldy.
Aita keteiik, osy is boiynsha buǵan deiin aýdandyq turǵyn úi-kommýnaldyq sharýashylyǵy, jolaýshylar kóligi jáne avtomobil joldary bóliminiń burynǵy basshysy qyzmettik ókilettigin asyra paidalanǵany úshin 3 jyl 6 aiǵa bas bostandyǵyn shekteý jazasyna kesilgen bolatyn.
