Batys Qazaqstan oblysynda «Taza Qazaqstan» respýblikalyq ekologiialyq bastamasy aiasynda kezekti tazalyq aktsiiasy uiymdastyryldy. Is-shara Zachagansk kenti aýmaǵynda ótti, dep habarlaidy Dalanews.kz
Tazalyq aktsiiasyna 100-ge jýyq adam qatysty. Olar arasynda eriktiler, stýdentter, úkimettik emes uiymdardyń ókilderi jáne qala turǵyndary boldy.
Aktsiianyń basty maqsaty — qorshaǵan ortanyń jai-kúiin jaqsartý, eldi mekenderdi abattandyrý jáne ekologiialyq mádenietti qalyptastyrý.
«Ekologiialyq “Taza Qazaqstan” aktsiiasy — bul qorshaǵan ortany qorǵaý, ekologiialyq sanany qalyptastyrý jáne eldi mekenderdi abattandyrýǵa baǵyttalǵan respýblikalyq deńgeidegi bastama. Bul aktsiia el turǵyndaryn tabiǵatty saqtaýǵa, ekologiialyq máselelerge bei-jai qaramaýǵa shaqyrady», - dep atap ótti «Jastar Rýhy» jastar qanatynyń Batys Qazaqstan oblystyq filialynyń tóraǵasy Arhat Jubaiuly.
Aktsiia barysynda qatysýshylar tek tazalyq jumystarymen ǵana shektelmei, aǵash otyrǵyzý, gúlder egý siiaqty ekologiialyq jumystardy da atqardy. Sonymen qatar, jasalǵan jumystardyń qorytyndysy boiynsha qalalyq aýmaqty kógaldandyrýǵa qatysty josparlar men bolashaqta júzege asyrylatyn sharalar talqylandy.
Aktsiiany uiymdastyrýshylar qalalyq ekologiialyq mádenietti qalyptastyrý men tabiǵatty qorǵaýǵa qatysty aýqymdy jumystardyń jalǵasatynyn málimdedi. Olarǵa qala turǵyndaryn ekologiialyq sharalarǵa qatysýǵa shaqyrýdy umytpaǵany da aita ketken jón. Bul bastama — «Taza Qazaqstan» ekologiialyq aktsiiasynyń aiasynda ótip jatqan is-sharalardyń biri ǵana.
