Batys Qazaqstan oblysy Bókei ordasy aýdany Saiqyn aýylynda júk kóligi poiyzben túiiskennen keiin lokomotiv jandy. Teplovozǵa 90 vagon tirkelgen,- dep habarlaidy Dalanews.kz BQO TJ departamentine silteme jasap.
– Soqtyǵysý saldarynan lokomotiv janyp, ol tolyq sóndirildi. Budan ári qaýip-qaterdiń aldyn alý jáne qozǵalys qaýipsizdigin qamtamasyz etý úshin poiyz vagondary lokomotivten jedel aǵytylyp, temir joldyń qaýipsiz ýchaskesine jetkizildi. Aldyn ala málimet boiynsha suiytylǵan gazdyń aǵýy tirkelgen joq. Bul ekologiialyq jáne tehnogendik qaýip-qaterden qutylýǵa múmkindik berdi, – dep habarlady vedomstvodan.
Eske salaiyq, oqiǵa 23 maýsym kúni shamamen saǵat 13.30-da aýyl shetinde bolǵan. Temirjol ótkelinde 1958 jylǵy júrgizýshi Shacman kóligimen reseilik júk poiyzyn ótkizbei, túiisken. Saldarynan er adam oqiǵa ornynda kóz jumdy. Qazirgi kezde QR QK 344-baby 2-bóligine sáikes sotqa deiingi tergeý amaldary júrgizilip jatyr.
