باتىس قازاقستان وبلىسى بوكەي ورداسى اۋدانى سايقىن اۋىلىندا جۇك كولىگى پويىزبەن تۇيىسكەننەن كەيىن لوكوموتيۆ جاندى. تەپلوۆوزعا 90 ۆاگون تىركەلگەن،- دەپ حابارلايدى Dalanews.kz بقو تج دەپارتامەنتىنە سىلتەمە جاساپ.
– سوقتىعىسۋ سالدارىنان لوكوموتيۆ جانىپ، ول تولىق ءسوندىرىلدى. بۇدان ءارى قاۋىپ-قاتەردىڭ الدىن الۋ جانە قوزعالىس قاۋىپسىزدىگىن قامتاماسىز ەتۋ ءۇشىن پويىز ۆاگوندارى لوكوموتيۆتەن جەدەل اعىتىلىپ، تەمىر جولدىڭ ءقاۋىپسىز ۋچاسكەسىنە جەتكىزىلدى. الدىن الا مالىمەت بويىنشا سۇيىتىلعان گازدىڭ اعۋى تىركەلگەن جوق. بۇل ەكولوگيالىق جانە تەحنوگەندىك قاۋىپ-قاتەردەن قۇتىلۋعا مۇمكىندىك بەردى، – دەپ حابارلادى ۆەدومستۆودان.
ەسكە سالايىق، وقيعا 23 ماۋسىم كۇنى شامامەن ساعات 13.30-دا اۋىل شەتىندە بولعان. تەمىرجول وتكەلىندە 1958 جىلعى جۇرگىزۋشى Shacman كولىگىمەن رەسەيلىك جۇك پويىزىن وتكىزبەي، تۇيىسكەن. سالدارىنان ەر ادام وقيعا ورنىندا كوز جۇمدى. قازىرگى كەزدە ق ر قك 344-بابى 2-بولىگىنە سايكەس سوتقا دەيىنگى تەرگەۋ امالدارى جۇرگىزىلىپ جاتىر.
