Áleýmettik jelilerde Batys Qazaqstan oblysy Qaztalov aýdanyndaǵy Saraljyn aýylynda qatty boran saldarynan qyrylǵan jylqylar túsirilgen video tarady, dep habarlaidy Dalanews.kz.
Zakon.kz málimetinshe, kadrlarda er adam boran kezinde jylqylardyń sý mańynda qalyp qoiǵanyn aitady. Onyń sózinshe, demalys kúnderi óńirdi sharpyǵan qarly daýyl kezinde janýarlar tabiǵi apattyń ortasynda qalǵan.
Nátijesinde tabyndaǵy jylqylardyń basym bóligi qyrylǵan.
Bul aqparatty Qaztalov aýdandyq ákimdigi de rastady.
Aýdan ákimdiginiń baspasóz qyzmetiniń málimetinshe, qazir qyrylǵan mal sany men keltirilgen materialdyq shyǵyn kólemi naqtylanyp jatyr. Ákimdik qolaisyz aýa raiy týraly turǵyndarǵa aldyn ala eskertý jasaǵanyn, maldy qoraǵa qamap ustaýdy suraǵanyn atap ótti. Alaida keibir sharýalar bul talapty oryndamaǵandyqtan, boran kezinde mal ashyq jaiylymda qalyp qoiǵan.
