Batys Qazaqstan oblysy Syrym aýdany Buldyrty aýylynda traktormen adam qaǵyp óltirgen politsei qyzmetinen qýyldy, dep habarlaidy Dalanews.kz.
BQO politsiia departamentiniń baspasóz qyzmetinen málim etkenindei, oqiǵa Syrym aýdany Buldyrty aýylynda boldy. Júrgizýshi "MTZ-80" traktorymen artqa qarai júrgen kezde abaisyzda 1979 jylǵy er adamdy basyp ketken. Marqum oqiǵa ornynda kóz jumdy.
"Traktordyń rýlinde aýdandyq politsiia bóliminiń qyzmetkeri otyrǵan. Ol kezekti eńbek demalysynda bolǵan. Saraptama qorytyndysyna sáikes politsei ishimdik ishpegen. Ol ishki ister organynan qýyldy", - dep habarlady vedomstvodan.
