Memleket basshysy sý tasqynynan zardap shekken turǵyndarǵa tiisti kómek kórsetýdi tapsyrǵan bolatyn. Osy oraida kóktemgi sý tasqyny saldarynan BQO qarasty Bórli aýdany boiynsha barlyǵy – 126 úi apatty dep tanyldy. Sonyń ishinde 66 turǵyn úi ieleri úshin páterler satyp alynyp, qalǵan 60 úi ieleri úshin turǵyn úi qurylystary júrgizildi, – dep habarlaidy Dalanews.kz BQO ákiminiń baspasóz qyzmetine silteme jasap.
Nátijesinde Aqsý aýylynda – 23, Keńtúbek aýylynda – 11, Pýgachev aýylynda – 12, Araltal aýylynda – 14 turǵyn úidiń qurylysy ústimizdegi jyldyń 22 mamyr kúni bastalyp, josparǵa sáikes 1 tamyzǵa deiin aiaqtaldy.
– Memleket basshysy Qasym-Jomart Kemeluly Toqaevtyń tapsyrmasyna sáikes sý tasqynynan zardap shekken turǵyndarǵa zań aiasynda tiisti kómekter kórsetilýde. Búginde turǵyndarǵa 100 AEK birjolǵy áleýmettik kómek jáne dúnie-múlikteri úshin 150 AEK tólemderi tolyǵymen óteldi. Sonymen qatar sý tasqyny zardabyn tigizgen úilerdiń 90 paiyzynan astamyna turǵyn úiin jóndeýge jáne qalpyna keltirýge ótemaqy berildi. Keshe ǵana úilerinen aiyrylyp, qapyda qalǵan turǵyndar búgin jańa baspanaǵa ie bolyp jatyr.
Qazirgi tańda oblysymyzda myńnan astam baspana satyp alynyp, sý tasqynynan zardap shekken otbasylarǵa berildi. Sonymen qatar, 775 turǵyn úidiń qurylysy qarqyndy júrgizilip, endi qurylysy aiaqtalǵan úilerdiń halyq igiligine berilý sátiniń kýási bolyp otyrmyz, – dedi óńir basshysy.
Qurylys jumystary «Aqsaigazservis» AQ, «Aqjaiyq», «Demeý» qorlary jáne «Qazaq Stroy Almaty» JShS demeýshiligimen júrgizildi. Jalpy qarjylandyrý kólemi 1,6 mlrd. teńgeni quraidy.
Pýgachev aýylynyń turǵyndary Imanalievter otbasy jalǵyz baspanasy sýǵa ketip, jaramsyz dep tanylýyna orai, olar jańa páterdiń iesi atandy.
– Pýgachev aýylyna 2006 jyly otbasymyzben kóship kelip, úi salyp aldyq. Sol salǵan úiimizdi naýryz aiynyń aiaǵynda tasqyn sý basty. Degenmen, arada kóp ýaqyt ótpei búgin baspanaly bolyp jatyrmyz. Jaryq, keń 3 bólmeli, úlken, barlyq jaǵdaiy jasalǵan baspanaǵa qol jetkizgenimizge óte qýanyshtymyz. Osyndai jaǵdai jasaǵan Memleket basshysyna alǵysymdy bildiremin, – dedi Imanalieva Aqkenje.
Búginde Bórli aýdanynda sý tasqynan zardap shekkenderdi baspanamen qamtamasyz etý máselesi 100 paiyz sheshildi.
