مەملەكەت باسشىسى سۋ تاسقىنىنان زارداپ شەككەن تۇرعىندارعا تيٸستٸ كٶمەك كٶرسەتۋدٸ تاپسىرعان بولاتىن. وسى ورايدا كٶكتەمگٸ سۋ تاسقىنى سالدارىنان بقو قاراستى بٶرلٸ اۋدانى بويىنشا بارلىعى – 126 ٷي اپاتتى دەپ تانىلدى. سونىڭ ٸشٸندە 66 تۇرعىن ٷي يەلەرٸ ٷشٸن پەتەرلەر ساتىپ الىنىپ, قالعان 60 ٷي يەلەرٸ ٷشٸن تۇرعىن ٷي قۇرىلىستارى جٷرگٸزٸلدٸ, – دەپ حابارلايدى Dalanews.kz بقو ەكٸمٸنٸڭ باسپاسٶز قىزمەتٸنە سٸلتەمە جاساپ.
نەتيجەسٸندە اقسۋ اۋىلىندا – 23, كەڭتٷبەك اۋىلىندا – 11, پۋگاچەۆ اۋىلىندا – 12, ارالتال اۋىلىندا – 14 تۇرعىن ٷيدٸڭ قۇرىلىسى ٷستٸمٸزدەگٸ جىلدىڭ 22 مامىر كٷنٸ باستالىپ, جوسپارعا سەيكەس 1 تامىزعا دەيٸن اياقتالدى.
– مەملەكەت باسشىسى قاسىم-جومارت كەمەلۇلى توقاەۆتىڭ تاپسىرماسىنا سەيكەس سۋ تاسقىنىنان زارداپ شەككەن تۇرعىندارعا زاڭ اياسىندا تيٸستٸ كٶمەكتەر كٶرسەتٸلۋدە. بٷگٸندە تۇرعىندارعا 100 اەك بٸرجولعى ەلەۋمەتتٸك كٶمەك جەنە دٷنيە-مٷلٸكتەرٸ ٷشٸن 150 اەك تٶلەمدەرٸ تولىعىمەن ٶتەلدٸ. سونىمەن قاتار سۋ تاسقىنى زاردابىن تيگٸزگەن ٷيلەردٸڭ 90 پايىزىنان استامىنا تۇرعىن ٷيٸن جٶندەۋگە جەنە قالپىنا كەلتٸرۋگە ٶتەماقى بەرٸلدٸ. كەشە عانا ٷيلەرٸنەن ايىرىلىپ, قاپىدا قالعان تۇرعىندار بٷگٸن جاڭا باسپاناعا يە بولىپ جاتىر.
قازٸرگٸ تاڭدا وبلىسىمىزدا مىڭنان استام باسپانا ساتىپ الىنىپ, سۋ تاسقىنىنان زارداپ شەككەن وتباسىلارعا بەرٸلدٸ. سونىمەن قاتار, 775 تۇرعىن ٷيدٸڭ قۇرىلىسى قارقىندى جٷرگٸزٸلٸپ, ەندٸ قۇرىلىسى اياقتالعان ٷيلەردٸڭ حالىق يگٸلٸگٸنە بەرٸلۋ سەتٸنٸڭ كۋەسٸ بولىپ وتىرمىز, – دەدٸ ٶڭٸر باسشىسى.
قۇرىلىس جۇمىستارى «اقسايگازسەرۆيس» اق, «اقجايىق», «دەمەۋ» قورلارى جەنە «Qazaq Stroy Almaty» جشس دەمەۋشٸلٸگٸمەن جٷرگٸزٸلدٸ. جالپى قارجىلاندىرۋ كٶلەمٸ 1,6 ملرد. تەڭگەنٸ قۇرايدى.
پۋگاچەۆ اۋىلىنىڭ تۇرعىندارى يماناليەۆتەر وتباسى جالعىز باسپاناسى سۋعا كەتٸپ, جارامسىز دەپ تانىلۋىنا وراي, ولار جاڭا پەتەردٸڭ يەسٸ اتاندى.
– پۋگاچەۆ اۋىلىنا 2006 جىلى وتباسىمىزبەن كٶشٸپ كەلٸپ, ٷي سالىپ الدىق. سول سالعان ٷيٸمٸزدٸ ناۋرىز ايىنىڭ اياعىندا تاسقىن سۋ باستى. دەگەنمەن, ارادا كٶپ ۋاقىت ٶتپەي بٷگٸن باسپانالى بولىپ جاتىرمىز. جارىق, كەڭ 3 بٶلمەلٸ, ٷلكەن, بارلىق جاعدايى جاسالعان باسپاناعا قول جەتكٸزگەنٸمٸزگە ٶتە قۋانىشتىمىز. وسىنداي جاعداي جاساعان مەملەكەت باسشىسىنا العىسىمدى بٸلدٸرەمٸن, – دەدٸ يماناليەۆا اقكەنجە.
بٷگٸندە بٶرلٸ اۋدانىندا سۋ تاسقىنان زارداپ شەككەندەردٸ باسپانامەن قامتاماسىز ەتۋ مەسەلەسٸ 100 پايىز شەشٸلدٸ.
