Búgin – Qazaqstan Respýblikasy sý sharýashylyǵy qyzmetkerleriniń kúni merekesine orai «Batysirrigatsiia» mekemesine 18 birlik tehnika berildi,- dep habarlaidy Dalanews.kz
Memleket basshysy Qasym-Jomart Toqaevtyń 2024 jylǵy 4 sáýirdegi keńeitilgen otyrysta bergen tapsyrmasyna sáikes, Batys Qazaqstan oblysynda sý sharýashylyǵy salasyn júieli damytý maqsatynda «Batysirrigatsiia» kommýnaldyq memlekettik mekemesi qurylǵan bolatyn.
Sý resýrstaryn utymdy paidalaný, sý tasqyny kezeńindegi qaýipsizdikti saqtaý maqsatynda qurylǵan mekeme óz jumysyn qysqa merzim ishinde qarqyndy jolǵa qoiyp, búginde 104 josparlanǵan gidrotehnikalyq nysannyń 85-in teńgerimine qabyldady.
Olardyń qatarynda 18 sý qoimasy, 34 sýarý kanaly, 29 liman, 2 toǵan jáne 2 bóget bar.
Sonymen qatar, biyl oblystyq biýdjet esebinen «Batysirrigatsiia» KMM-i zamanaýi arnaiy 18 tehnikamen jabdyqtaldy. Atap aitqanda, shynjyr tabandy ekskavatorlar, ekskavator-tiegishter, «Botsman M» kópbeiindi jer snariady, 4x4 jol talǵamaityn avtokólikter, motorly qaiyqtar, tiegishter jáne tirkemeler. Taǵy úsh birlik – jer snariady, býldozer jáne júk tiegish – jetkizý satysynda. Qazirgi tańda traldy súiregish júk kóligi men turǵyn vagon kóligi satyp alynyp jatyr.
Mekeme qyzmetkerleri sý infraqurylymynyń tiimdi jáne qaýipsiz jumysyn qamtamasyz etip, óńirdiń aýyl sharýashylyǵy alqaptaryn sýlandyrýǵa, sý tasqynynyń aldyn alýǵa jáne mal sharýashylyǵyn damytýǵa septigin tigizip keledi.
