بٷگٸن – قازاقستان رەسپۋبليكاسى سۋ شارۋاشىلىعى قىزمەتكەرلەرٸنٸڭ كٷنٸ مەرەكەسٸنە وراي «باتىسيرريگاتسييا» مەكەمەسٸنە 18 بٸرلٸك تەحنيكا بەرٸلدٸ,- دەپ حابارلايدى Dalanews.kz
مەملەكەت باسشىسى قاسىم-جومارت توقاەۆتىڭ 2024 جىلعى 4 سەۋٸردەگٸ كەڭەيتٸلگەن وتىرىستا بەرگەن تاپسىرماسىنا سەيكەس, باتىس قازاقستان وبلىسىندا سۋ شارۋاشىلىعى سالاسىن جٷيەلٸ دامىتۋ ماقساتىندا «باتىسيرريگاتسييا» كوممۋنالدىق مەملەكەتتٸك مەكەمەسٸ قۇرىلعان بولاتىن.
سۋ رەسۋرستارىن ۇتىمدى پايدالانۋ, سۋ تاسقىنى كەزەڭٸندەگٸ قاۋٸپسٸزدٸكتٸ ساقتاۋ ماقساتىندا قۇرىلعان مەكەمە ٶز جۇمىسىن قىسقا مەرزٸم ٸشٸندە قارقىندى جولعا قويىپ, بٷگٸندە 104 جوسپارلانعان گيدروتەحنيكالىق نىساننىڭ 85-ٸن تەڭگەرٸمٸنە قابىلدادى.
ولاردىڭ قاتارىندا 18 سۋ قويماسى, 34 سۋارۋ كانالى, 29 ليمان, 2 توعان جەنە 2 بٶگەت بار.
سونىمەن قاتار, بيىل وبلىستىق بيۋدجەت ەسەبٸنەن «باتىسيرريگاتسييا» كمم-ٸ زاماناۋي ارنايى 18 تەحنيكامەن جابدىقتالدى. اتاپ ايتقاندا, شىنجىر تاباندى ەكسكاۆاتورلار, ەكسكاۆاتور-تيەگٸشتەر, «بوتسمان م» كٶپبەيٸندٸ جەر سناريادى, 4x4 جول تالعامايتىن اۆتوكٶلٸكتەر, موتورلى قايىقتار, تيەگٸشتەر جەنە تٸركەمەلەر. تاعى ٷش بٸرلٸك – جەر سناريادى, بۋلدوزەر جەنە جٷك تيەگٸش – جەتكٸزۋ ساتىسىندا. قازٸرگٸ تاڭدا ترالدى سٷيرەگٸش جٷك كٶلٸگٸ مەن تۇرعىن ۆاگون كٶلٸگٸ ساتىپ الىنىپ جاتىر.
مەكەمە قىزمەتكەرلەرٸ سۋ ينفراقۇرىلىمىنىڭ تيٸمدٸ جەنە قاۋٸپسٸز جۇمىسىن قامتاماسىز ەتٸپ, ٶڭٸردٸڭ اۋىل شارۋاشىلىعى القاپتارىن سۋلاندىرۋعا, سۋ تاسقىنىنىڭ الدىن الۋعا جەنە مال شارۋاشىلىعىن دامىتۋعا سەپتٸگٸن تيگٸزٸپ كەلەدٸ.
