"Qaladan aýylǵa" baǵdarlamasy aiasynda Bastys Qazaqstan oblysy, Aqjaiyq aýdany boiynsha birneshe aýyldyq okrýgte jańa turǵyn úilerdiń qurylysy bastaldy, – dep habarlaidy Dalanews.kz
Baǵdarlamanyń basty maqsaty – aýyldyq eldi mekenderdiń infraqurylymyn jaqsartý, áleýmettik nysandardy kóbeitý, sondai-aq aýyl turǵyndaryn sapaly turǵyn úimen qamtamasyz etý arqyly el ishinde ishki kóshi-qondy tiimdi retteý.
J.Moldaǵaliev aýyldyq okrýgi
Jeke kásipker Mershat Ádilbekuly Járdemovtiń tapsyrysymen eki turǵyn úidiń qurylysy qolǵa alyndy:
- T.Sultanǵaliev kóshesi, 16A mekenjaiynda ornalasqan eki páterli turǵyn úidiń qurylysy 2025 jylǵy 1 sáýirde bastalyp, 15 maýsymda tolyq aiaqtalady dep josparlanyp otyr.
- S.Seiitov kóshesi, 3A mekenjaiynda salynyp jatqan eki páterli taǵy bir turǵyn úidiń qurylysy da joǵaryda atalǵan merzimder arasynda júzege asyrylýda (01.04.2025 j. – 15.06.2025 j.).
Bul úiler qazirgi zaman talaptaryna sai salynýda jáne bolashaq turǵyndardyń jaily ómir súrýi úshin qajetti barlyq injenerlik infraqurylymmen qamtamasyz etiledi.
Saiqudyq aýyldyq okrýgi:
«Art-stroi» jaýapkershiligi shekteýli seriktestigi tarapynan eki turǵyn úidiń qurylysy júrgizilýde:
- Keń dala kóshesi, 3A mekenjaiynda ornalasqan úsh páterli turǵyn úidiń qurylysy "Qaladan aýylǵa" baǵdarlamasy aiasynda júzege asyrylýda. Qurylys jumystary 2025 jyldyń 1 sáýirinde bastalyp, 1 tamyzda aiaqtalady dep kútilýde.
- Y.Altynsarin kóshesi, 2A mekenjaiyndaǵy eki páterli turǵyn úidiń qurylysy da dál osy merzim aralyǵynda (01.04.2025 j. – 01.08.2025 j.) júrgizilýde.
Jańa turǵyn úilerdiń salynýy – aýyldaǵy halyqtyń áleýmettik jaǵdaiyn jaqsartýǵa, jas mamandardy tartýǵa jáne aýyldyq óńirlerdiń tartymdylyǵyn arttyrýǵa yqpal etetin mańyzdy qadam. Sonymen qatar, bul bastama halyqtyń ómir súrý sapasyn arttyryp qana qoimai, aýyldaǵy eńbek resýrstaryn saqtaýǵa da múmkindik beredi.
Atalǵan jobalardyń júzege asyrylýy jergilikti ákimdiktiń turaqty baqylaýynda. Qurylys sapasyna, merziminde aiaqtalýyna jáne paidalanýǵa tapsyrý talaptaryna erekshe mán berilýde.
