Batys Qazaqstan oblysynyń ákimi Nariman Tóreǵalievtyń tóraǵalyǵymen shegirtkege qarsy kúres jónindegi shtab otyrysy ótti,- dep habarlaidy Dalanews.kz
Jiynǵa oblys ákiminiń orynbasary, oblys ákimi apparatynyń basshysy, basqarma basshylary, qala jáne aýdan ákimderi, sondai-aq ortalyq memlekettik organdardyń aýmaqtyq bólimsheleriniń basshylary qatysty.
Keńes barysynda óńir basshysyna qazirgi ahýal jáne qolǵa alynǵan sharalar týraly esep berildi. Baiandamamen QR AShM Agroónerkásiptik keshendegi memlekettik inspektsiia komitetiniń BQO aýmaqtyq inspektsiiasynyń basshysy Erlan Orynbaev, oblystyq aýyl sharýashylyǵy basqarmasynyń basshysy Jasulan Haliýllin, sondai-aq Qaratóbe, Bórli jáne Terekti aýdandarynyń ákimderi sóz sóiledi.
Biyl oblys aýmaǵynda shegirtke tuqymdas ziiankesterge qarsy himiialyq óńdeý jumystaryn 326,8 myń gektar aýmaqta júrgizý josparlanýda.
Onyń ishinde:
- respýblikalyq biýdjet esebinen – 134,5 myń ga jerde jappai shoǵyrlanǵan shegirtkelerge qarsy;
- oblystyq biýdjet esebinen – 192,3 myń ga jerde dara túrlerine qarsy óńdeý júrgiziledi.
Óńir basshysy shegirtkeniń egistik alqaptaryna jáne aýyl sharýashylyǵy salasynyń turaqtylyǵyna eleýli qaýip tóndiretinin atap ótti. Ol barlyq tiisti qurylymdardyń birlesip, júieli túrde jumys júrgizý qajettigin aitty.
Keńes qorytyndysy boiynsha Nariman Tóreǵaliev monitoringti kúsheitip, óńdeý jumystaryn ýaqtyly júrgizýdi qamtamasyz etýdi tapsyrdy.
Ahýal oblys ákiminiń baqylaýynda.
